हेटौंडा/ विपत जोखिमका न्युनिकरणका लागि प्रविधिको प्रयोग सम्बन्धी छलफल कार्यक्रम हेटौंडामा भएको छ । बागमती प्रदेश सरकार आन्तरिक मामिला तथा कानुन मन्त्रालयको आयोजनामा प्रदेशका मुख्य मन्त्री बहादुर सिंह लामाको अध्यक्षतमा छलफल कार्यक्रम भएको हो ।
प्रदेश भरीका जिल्लामा विपत जोखिमका न्युनिकरणका लागि प्रविधिको प्रयोग सम्बन्धी प्रस्तुतिकरण जापानीज एरोस्पेस एकसप्लोरेसन एजेमिसका प्रतिनिध भीन्सेन्ट केस्लरले गरेका थिए । भुउपग्रह स्टालाइट मार्फत जोखिम न्युनीकरण बिषयमा क्लाकले प्रस्तुतिकरण दिएका थिए ।
स्ट्रीक्स नामक भू–उपग्रह (स्याटेलाइट) मार्फत जुनसुकै ठाउँमा हुने प्रकोपको डाटा पाउन र विश्लेषण गर्न सकिन केस्लरले बताए । बाढी, पहिरो, हिमताल विस्फोटको सम्भावना जस्ता विपद्का घटनाका बारेमा पूर्व जानकारी सम्बन्धित निकायलाई दिन सकिन उनले बताए । भू–उपग्रह जडानका विषयमा बागमती प्रदेश सरकारसँग एमओयू गरेर जान इच्छुक रहेकोे जनाएको छ । छलफल कार्यक्रममा आन्तरिक मामिला तथा कानुन मन्त्री सुरज चन्द्र लामिछाने , स्वास्थय मन्त्री किरण थापा मगर, सामाजिक विकास मन्त्री हरि प्रभा खड्की , स्म रोजगार तथा यातायात मन्त्री प्रेमभक्त महर्जन, उद्योग, वाणिज्य तथा भूमि तथा प्रशारण मन्त्री शुक माया तामाङ लगाएतको उपस्थिथिमा कार्यक्रम भएको थियो ।
