दक्षिण कोरिया । किरात याक्थुङ चुम्लुङ दक्षिण कोरियाको रजत जयन्तीको अवसरमा किरात याक्थुङ चुम्लुङ दक्षिण कोरिया केन्द्र, ब्शान शाखा, जेजुदो शाखा, छल्लादो शाखाको सयुक्त आयोजनामा हुन लागेको बृहत बनभोज कार्यक्रमको तयारी अन्तिम चरणमा पुगेको छ ।
सेप्टेम्बर ६ र ७ मा छुङछङनाम्दोको थेआन्गुनमा हुन लागेको बृहत बनभोज कार्यक्रममा लिम्बू समुदायको परिकारहरुको स्वाद संगै मौलिक संस्कृति यालाङ केलाङको साथमा रम्न पाउने छ । संस्थाको रजत जयन्तीको अवसरमा आयोजना गर्न लागिएको उक्त कार्यक्रममा कोरियाको बिभिन्न स्थानहरुबाट लिम्बू समदुय तथा गैर लिम्बू समुदायको व्यक्तिहरुको सहभागिता रहने छ । बनभोज कार्यक्रममा सहभागि हुन जानको लागि सौलको दोङदेमुन संगै सुवनबाट बसको व्यवस्था समेत रहेको आयोजकले जनाएको छ ।
त्यसैगरी बनभोज कार्यक्रममा सहभागि हुनको लागि शुल्क लाग्ने जनाएको छ । आयोजकले बताए अनुसार बनभोज कार्यक्रममा सहभागि हुन पुरुषको लागि १ लाख १० हजार वन, महिलाको लागि ९० हजार वन र जोडीको लागि १ लाख ८० हजार कोरियन वन लाग्ने जनाएको छ । बनभोजमा सहभागिहरुले मिष्ठान्न भोजन गर्न पाउनुका साथैै स्विमिङ, बार्बीक्यु र सामुन्द्रिक मनोरञ्जन लिन सकिने छ । बृहत बनभोज कार्यक्रमको तयारी अन्तिम चरणमा पुगिसकेकोले कोरियाबासी सबैलाई सहभागिताको लागि आयोजकले आह्वान समेत गरेका छन् ।
