शुभराज भोम्जन
दक्षिण कोरिया । पुस्तकालय निर्माण गर्ने उद्धेश्य राखेर माउण्ट एभरेष्ट रेष्टुरेण्ट जेजुको आयोजनामा कोरियन पर्व सलनालको तेश्रो दिन ११ फेब्रुअरीमा जेजु सांगीतिक साँझ, २०२४ आयोजना हुने भएको छ । उक्त सांगीतिक साँझ कार्यक्रममा ख्यातिप्राप्त लोक गायक तथा सर्जक प्रकाश दुतराजको सांगीतिक प्रस्तुती रहने छ ।
जेजु दो क्षेत्रमा कृयाशिल बिभिन्न सामाजिक संघ संस्थाहरुको सहयोगमा कार्यक्रम आयोजना गर्न लागेको आयोजक धर्मराज गौतमले बताएका छन् । उक्त कार्यक्रमबाट मुनाफा भएको रकम सतप्रतिशत जेजुमा पुस्तकालय निर्माण गर्नमा खर्च हुने भएकोले सबै समक्ष सकेको सहयोग गर्नको निम्ती गौतमले लाबा न्युज मार्फत सार्बजानिक रुपमा आह्वान गरेका छन् ।
उक्त दिन दिउँसो अस्तार होटलको सभाहलमा तामाङ समुदायको सोनाम ल्होछार बृहत साँस्कृतिक कार्यक्रम रहेको र उक्त ल्होछार कार्यक्रम सक्केपछी मात्रै जेजु सांगीतिक साँझ सुरुहुने भएकोले दुबै कार्यक्रम सफल हुनेमा आफु ढुक्क रहेको समेत गौतमले बताए ।
