हेटौंडा । राष्ट्रिय स्वतन्त्र पार्टी मकवानपुरका पूर्व संयोजक तथा मकवानपुर उद्योगा बाणिज्य महासंघ मकवानपुर चेम्बरका पूर्व अध्यक्ष राजकुमार न्यौपाने नेपाली कांग्रेसमा प्रवेश गरेका छन् । शुक्रबार नेपाली कांग्रेसको ७८ औं स्थापना दिवसको अवसरमा हेटौंडामा आयोजित कार्यक्रममा न्यौपाने नेपाली कांग्रेसमा प्रवेश गरेका हुन् ।
नेपाली कांग्रेसका पूर्व महामन्त्री प्रकाशमान सिंह, पार्टी बागमती प्रदेश सभापति ईन्द्रबहादुर बानियाँलगायतले न्यौपानेलाई खादा र माला लगाएर पार्टीमा स्वागत गर्दै सदस्यतासमेत प्रदान गरेका छन् । नेपाल उद्योग वाणिज्य महासंघ मकवानपुरका पूर्व अध्यक्ष एबम् केन्द्रीय सदस्य भैसकेका व्यवसायी न्यौपानेले नेपाली कांग्रेसले मात्रै सबै दललाई मिलाएर लैजानसक्ने भएकाले आफू कांग्रेसमा प्रवेश गरेको बताएका छन् । पार्टीले उद्योगी व्यवसायीको हितका लागि गम्भीर भएर काम गर्न पार्टीलाई सुझावसमेत दिए ।
