हेटौंडा/ हेटौंडा उपमहानगरपालिका -१९ स्थित डोदोन बौद्ध गुम्बामा आठौँ बार्षिक शान्ति पुजा तथा ल्होछार कार्यक्रम हुने भएको छ । डोदोन छ्योलिङ बौद्ध गुम्बा संरक्षण समितिको आयोजनामा माघ २६ गते देखि १ गते सम्म उक्त कार्यक्रम हुन लागेको समितिका सदस्य डोल्मा वाईबा तामाङले जानकारी दिईन ।
बौद्ध गुम्बाको आयोजनामा प्राणिको उद्धार, राष्ट्रको कल्याण, विश्व शान्तिको कामना र निर्माणधिन गुम्बा समपन्न गर्ने उद्देश्यले विश्व शान्ति पुजा र ल्होछार कार्यक्रमको आयोजना गर्न लागेको समितिका सचिव होईसल लामाले बताए । माघ ६ गते धर्म गुरु, लामा, माणिपा, तथा भक्तजनहरु जम्मा भई तामाङ संस्कृति अनुसार ह्योई लो (बिरालो वर्ग) लाई बिदाई गनुका साथै पुजा पाठ गर्ने र २७ गते डोक लो (डा«ईगन वर्गलाइ) स्वागत गर्नुका साथै विश्व शान्ति पुजाको उद्धघाटन गर्नेे उनले बताए । यसै गरी २८,२९ गते प्रज्ञापारमिता ग्रन्थपाठ विविध कार्य हुने र १ गते ल्होछार विशेष कार्यक्रम हुने र धर्म गुरुबाट छेवाङ अभिषेक प्रदान र टासी मंगल गरी विदाई गर्ने उनले बताएका छन् ।
