हेटौंडा/ मकवानपुरको मकवानपुर गढी गाउँपालिकामा सोनाम ल्होछार कार्यक्रम भव्यताका साथ सम्पन्न भएको छ । नेपाल तामाङ घेदुङ मकवानपुर गढी गाउँपालिका कार्य समितिको आयोजनामा कार्यक्रम सञ्चालन गरिएको थियो ।
ल्होछार कार्यक्रमको लागि मकवानपुर गढी गाउँपालिका अन्य संघ संस्थाहरुको आर्थिक सहयोग रहेको थियो । बिहिबार समपन्न भएको कार्यक्रम नेपाल तामाङ घेदुङ मकवानपुर गढीका अध्यक्ष सानो कान्छा थिङको सभा अध्यक्षता र गढी गाउँपालिका प्रमुख दोर्जे लामा स्याङतानको प्रमुख आतिथ्यतामा भएको थियो ।
यसै गरी कार्यक्रममा ख्याति प्राप्त कलाकारहरुको प्रस्तुति र नृत्य,दोहोरी,गायन रहेको थियो । साथै लामा,बोम्बो र डम्फुरेको प्रस्तुति रहेको थियो ।
ल्होछारमा १० देखि १५ सय दर्शक्हरुको उपस्थित रहेको थियो । कार्यक्रम सफल पार्न कलाकार, आर्थिक सहयोगीदाता, स्थानिय सञ्चारकर्मीहरुलाई सम्मान गरी कदर पत्र वितरण समेत गरेका थिए ।
