दक्षिण कोरिया । सिन्धुपाल्चोक समाज दक्षिण कोरियाको आयोजनामा नेपाली कथानाक चलचित्र महाजात्राको सौल सो हुने भएको छ । दक्षिण कोरियाको लागि बिशाल आवाज मल्टिमिडीया प्रालीले प्रदर्शन अधिकार पाएको उक्त चलचित्र दक्षिण कोरियाको बिभिन्न शहरहरुमा प्रदर्शनको लागि तयारी हुदै गरेको प्रालीका अध्यक्ष एबम् सञ्चालक बिशाल श्रेष्ठले जानकारी दिएका छन् ।
सौल सोको लागि सिन्धुपाल्चोक समाजले खरिद गरेको उक्त चलचित्र आपतकालिन राहत कोष स्थापना सहयोगार्थ प्रदर्शन गर्न लागेको समाजका अध्यक्ष राज लोप्चन तामाङले बताए । सौलको कुक्मीनह्वेगनमा प्रदर्शनको तयारी गर्दै गरेको उक्त चलचित्र राम्रो रहेकोले दर्शकको राम्रो साथ पाउनेमा आफुहरु ढुक्क रहेको अध्यक्ष लोप्चन बताउछन् ।
षठकोण आर्टसको ब्यानरमा प्रदिप भट्टराईको लेखन तथा निर्देशनमा बनेको उक्त चलचित्रमा बिपिन कार्की, हरिबंश आचार्य, वर्षा राउत, रबिन्द्र सिंह बाणीयाँ, रबिन्द्र झाँ लगायतका थुप्रै कलाकारहरुले मुख्य भूमिकामा अभिनय गरेका छन् । चैत्र ९ गते देखि देश तथा विदेशमा प्रदर्शणीको तयारीमा रहेको उक्त चलचित्रको कार्यकारी निर्माता रबिन्द्र सिं बाणीयाँ रहेका छन् ।
