हेटौंडा / हेटौंडा उपमहानगरपालिका वडा नम्बर ४ स्थित हुप्रा चौरमा बसोबास गर्ने चुन्नि शाह (छोटु) विगत ४० बर्ष देखि बदाम ब्यापार गर्दै आइरहेका छन् । दुइ सन्तानको बुवा निर्मला देविको श्रिमान चुन्नि छोटुको उमेर ५५ बर्ष पुगिसकेको छ । विगत चालीस वर्ष देखि बदाम, चटपटे ब्यापार गर्दै आएका उनले अझै यहि पेशालाई अंगालि रहेका छन् ।
हेटौंडा उपमहानगर परिसर भित्र रहेर बदाम ब्यापार गर्दा दिनमा २ हजार देखि ३ हजार सम्म कमाउने गरेको उनले बताए । जहाँ मेला, ब्यापार महोत्सव हुन्छ त्यहाँ बडी मात्रामा बदाम बिक्री हुने गरेको चुन्नी बताउछन । मेला महोत्सव लागेको बेला अन्य समयको तुलनामा निकै राम्रो आम्दानी हात पार्न सफल हुने गरेको उनले बताए ।
केहि समय अघि हेटौंडामा सञ्चालन भएको मकवानपुर गोल्डकप फुटबल प्रतियोगितामा ३ लाख लगानि गर्दा ७० हजार नाफा भएको र बागमति गाउँपालिकामा सञ्चालन भएको गोल्डकपमा ३ लाख लगानि गर्दा ८० हजार नाफा हात पार्न सफल भएको उनले सुनाए । उनले कामदारलाई पारिश्रमिक दिएर बदाम ब्यापार गर्ने गरेका छन् ।
बदाम बेचेर घर चलिरहेको र छोरा छोरीलाई राम्रो शिक्षा दिन सफल भएको उनले बताए । उनले आफु सरह मिहेनत र दुख गरेर काम गर्नु पर्ने भन्दै सन्देश पनि दिएका छन् । सानै उमेरबाट बदाम ब्यापार गर्दै आएका उनि जीवन भरी यहि पेशालाई निरन्तरता दिने अठोटमा रहेका छन ।
ईन्डिया सिवनमा जन्म भएको चुन्निको जीवन नेपाल देखिनै सुरुवात भएको हो । चुन्नि संग आफु यो देशको नागरिक हो भनि पहिचान दिलाउन नागरिकता भने छैन । नागरिक्ताको सवालमा अनि गम्भिर हुदै भन्छन बदनियत मुर्वक नागरिक्ता बनाउ भने सक्थे होला तर मनले कहिल्यै त्यसो गर्न मानेन त्यसैले कहिल्यै त्यस्तो सोच नलिएको उनि बताउछन् । उनि भन्छन् एत्तिका वर्ष सम्म त बदाम बेचेर गुजारा चलाइयो अब बाचुञ्जेल बदाम बेच्ने हो अरु कुनै शौख छैन ।
