दक्षिण कोरिया । लुम्बिनी प्रदेशबाट दक्षिण कोरियमा रहदै आएका नेपालीहरुको साँझा संगठनको रुपमा आइताबार हिमाल खनालको नेतृत्वमा २१ सदस्यिय तदर्थ समिति गठन गरिएको छ । आइताबार दक्षिण कोरियाको सुवन शहरमा भएको भेलाबाट लुम्बिनी प्रदेश समाज दक्षिण कोरियाको गठन गरिएको हो ।
हिमाल खनालको नेतृत्वमा गठन गरिएको तदर्थ समितिले ६ महिना भित्रमा अधिवेसन गराई संस्थालाई आधिकारिकता दिने छ । लुम्बिनी प्रदेश अन्तरगतको आधा दर्जन भन्दा धेरै जिल्लाहरुको संस्था गठन भैसकेको छ । आइताबार भएको भेलामा पत्रकार महासंघ दक्षिण कोरियाका अध्यक्ष किशन गौतम, नेपाली सम्पर्क समिति दक्षिण कोरियाका उपाध्यक्ष हर्क बिष्ट, राप्ती समाज दक्षिण कोरियाका निवर्तमान अध्यक्ष ओमलाल ओली, पाँच स दक्षिण कोरियाका पूर्व अध्यक्ष कमल भण्डारी लगायतकाले गठन प्रकृयामा समन्वयात्मक भूमिका निर्वाह गरेका थिए ।
तदर्थ समितिको सह संयोजकमा चुडामणि भण्डारी र सदस्यहरुमा अमृत केसी, मदन गौतम,ईश्वर सुवेदी,केशव पौडेल,युवराज गौतम,युवराज पौडेल,जिवन थाप,दिपक थापा मगर,विरेन्द्र राहुं मगर,योगेन पुन,रुद्र पौडेल,जितेन्द्र केसी,नारायण खनाल,विज्ञान अर्याल,मदन थापा,सिएन भण्डारी,सोवर्ण वली,वर्षा भण्डारी,बिष्णु बञ्जाडे लगायतका रहेका छन् ।
