शुभराज भोम्जन
दक्षिण कोरिया । नेपाली कथानक चलचित्र पुजार सार्कीको सौल शो मे २६ तारिखमा हुने भएको छ । सुर्खेत समाज दक्षिण कोरियाको आयोजनामा सौलको जोगेसा हलमा सौल शो हुने भएको हो । सौलमा उक्त चलचित्र दुई शो गरिने जनाएको छ ।
यहि मे २३ तारिख देखि देश तथा विदेशमा एक्कैसाथ प्रदर्शनीमा आउने तयारीमा रहेको उक्त चलचित्रको दक्षिण कोरिया राइट्स सुर्खेत समाज दक्षिण कोरियाले लिएको छ । चलचित्र खरिद गरेर प्रदर्शन गर्न चाहने व्यक्ति तथा संस्थाहरुको लागि बुकीङ समेत खुल्ला गरिएको समाजका अध्यक्ष पुस्कर बुढाथोकीले बताएका छन् । सामाजिक कथाबस्तुमा आधारित रहेर तयार भएको उक्त चलचित्रको अन्तराष्ट्रिय राइट्स एमएसएम इन्टरटेनमेण्टले लिएको छ ।
किङडम नेटवर्कको ब्यानरमा बनेको उक्त चलचित्रको निर्देशक दिनेश राउतले निर्देशन गरेका छन् भने चलचित्रमा आर्यन सिक्देल, पल शाह, प्रदिप खड्का, अञ्जना बराइली, परिक्षा लिम्बु, मोहन निरौला, लोकेन्द्र लेखक, तारा शर्मा, विद्या कार्की, सुवास गजुरेल, प्रेम सुब्बा लगायतका कलाकारहरुको मुख्य अभिनय रहेको छ ।
बिकास सुबेदीको कथा लेखन रहनुका साथै चलचित्रमा सुवास भूसालको लगानी रहेको छ । चलचित्रलाई राजेश श्रेष्ठले छायाँकन गरेका छन् । उक्त चलचित्रले राम्रो ब्यापार गर्ने अनुमान गरिएको छ ।
