किरात राई यायोक्खा दक्षिण कोरियाको १३ औं महाधिवेशन सेप्टेम्बर १४ मा हुने
दक्षिण कोरिया । किरात राईहरुको साँझा संस्था किरात राई यायोक्खा दक्षिण कोरियाको १३ औं महाधिवेशन यहि सेप्टेम्बर १४ मा हुने भएको छ । दक्षिण कोरियाको सौल स्थित दोङ्देमुनको एमजी सेमाउल हलमा महाधिवेशन हुने संस्थाका उपाध्यक्ष सन्तोष राईले बताएका छन् ।
संस्थाको महाधिवेशनको लागि गर्नुपर्ने आवश्यक तयारीहरु लगभग पुरा भैसकेको संस्थाका अध्यक्ष पुरन याम्फु राईले जानकारी छन् । प्रवासमा रहेर पनि किरात राईहरुको भाषा, धर्म, संस्कृति, पहिचान र अधिकारको वकालत गर्दै आइरहेको किरात राई यायोक्खा दक्षिण कोरियालाई कोरियाको नेपाली समाजमा पुरानो र सकृय संस्थाको रुपमा मान्ने गरिन्छ । किरात राईहरुको साँझा संस्था भएकोले कोरियामा रहेका किरात राईहरुलाई महाधिवेशनमा सहभागि हुनको लागि अनुरोध गरेका छन् ।...
