हेटौंडा/ तामाङ भाषाको चलचित्र ‘ए ङाला ह्राङ्बा माया’ यही पुष २० गते हेटौंडामा विशेष प्रिमियर शो हुने भएको छ । शनिबार चलचित्र निर्माण टिमले हेटौंडामा पत्रकार सम्मेलनको आयोजना गर्दै शो हुने सम्बन्धमा जानकारी गराएको हो ।
उक्त चलचित्र हेटौंडाको ओम्याक्स हलमा शो हुने चलचित्र निर्माता तथा चलचित्रका नायक हुत्त सञ्जय लामाले बताए । प्रेम कथामा आधारित रहेको र बहु विवाहले निम्त्याएका समस्याहरुलाई चलचित्रमा देखाउन खोजेको निर्देशक लामाले बताए । मकवानपुरको इन्द्रसरोवरको हुमानेमा छायांकन गरिएको चलचित्रको २४ लाख लगानीमा निर्माण सम्पन्न भएको लामाले जानकारी दिए । यसै गरीचलचित्रको ट्रेलर सोही दिन एचएमएम मिडिया युट्यूब च्यानलबाट सार्वजनिक गरिएको छ । लोसाङ लामा र इकेश लामा निर्मित चलचित्रमा बिस्वजंग माझीले सह(निर्देशकको भुमिका निभाएका छन् । कार्यक्रमा तामाङ पत्रकार संघं बागमती प्रदेश, ज्ञानेन्द्र लामा, सचीव दिल बहादुर रुम्बा, चलचित्र पत्रकार संघ मकवानपुर उपाध्यक्ष श्रीराम अर्जुन दाहाल, तामाङ कलाकार संघ मकवानपुर अध्यक्ष धिरेन लामा, नेपाल तामाङ संस्कृति घेदुङ मकवानपुर अध्यक्ष अजय गोले, नेपाल पत्रकार महासंघ मकवानपुर सहसहचिव सन्नु रिजाल, नेपाल पत्रकार महासंघ मकवानपुर सदस्य सरोज पौडेल, चलचित्र टिम नायक हेमकुमार तितुङ, नायिका सुनिता लुङ्बा, नायिका तारा थोकर, माया डोल्मा लामा, मनिका सिन्तान, राजकुमार तामाङ, जगत बं. मोक्तान र हिरा बहादुर मुक्तान लगायतको उपस्थिति थियो ।
