हेटौंडा –४ का गिरीलाई आफ्नै भाइले पेट्रोल छर्केर आगो लगाए

हेटौंडा / मकवानपुरको हेटौंडा उपमहानगरपालिका वडा नं.४ स्थित गरदेईमा आफ्नै सहोदर भाइले दाजुलाई पेट्रोल छर्केर आगो लगाएका छन् । मादक पदार्थ सेवन गरेर अन्दाजी ३२ वर्षका कुमार गिरीलाई आफ्नै भाइ २८ बर्षिय रवि गिरीले पेट्रोल छर्केर आगो लगाएको जिल्ला प्रहरी कार्यालय मकवानपुरले जनाएको छ ।

आगोले जलेर गम्भीर घाइते गिरीलाई उपचारको लागि हेटौंडा अस्पताल लगिएको थियो । उपचार सम्भव नभएपछि थप उपचारको लागि चितवन रिफर गरिएको प्रहरीले जनाएको छ । आगो लगाउने भाइ रवि लाई प्रहरीले पक्राउ गरेको छ । घटना बारे अनुसन्धान गरिरहेको प्रहरीले जनाएको छ ।

Advertisement