हेटौंडा/ मकवानपुरको हेटौंडा उपमहानगरपालिका वडा नम्बर -१३ स्थित गुम्बाडाडामा सोनाम ल्होछार कार्यक्रम हुने भएको छ । ल्होछार मुल समारोह समितिले मंगलबार पत्रकार सम्मेलन गर्दै फागुन ४ गते ल्होछार हुने समबन्धमा जानकारी दिएको हो ।
समितिले छेठौं पटक ल्होछार कार्यक्रमको आयोजना गर्न लागिएको समितिका पुर्व अध्यक्ष्य संगिता वाईबाले बताईन् । ल्होछार गुम्बाडाडामा दिउसो३ बजे देखि सुरु हुने जनाएको छ । तामाङ संस्कृति झल्काउने नृत्य तथा गायन प्रस्तुत गरिने वाईबाले बताए ।
कार्यक्रममा स्थानिय देखि राष्ट्रिय कलाकारहरुको प्रस्तुति रहने आयोजक समितिका बर्तमान अध्यक्ष्य सोम लाल थिङले जानकारी दिए । ल्होछार कार्यक्रममा ४० देखि ५० वटा स्टल राखी परिकारहरुको प्रदर्शन गर्ने जनाएको छ । कार्यक्रमको लागि ६ देखि ७ लाख खर्च हुने अनुमान गरिएको छ भने १५ सय देखि २ हजार दर्शकहरुले अनुगमन गर्ने अनुमान गरिएको अध्यक्ष्य थिङले बताएका छन् ।
