शुभराज भोम्जन
दक्षिण कोरिया । तामाङ समुदायको मौलीक साँस्कृतिक पर्व २८६० डुक ल्हो सोनाम ल्होछारको अवसरमा नेपाल तामाङ घेदुङ छेजुदो शाखाले आयोजना गर्ने बृहत सोनाम ल्होछार साँस्कृति कार्यक्रमको तयारी पुरा भएको जेजुदो घेदुङको अध्यक्ष सुनिता ब्लोनले जानकारी दिएका छन् ।
कोरियन पर्व सलनालको तेश्रो दिन ११ फेब्रुअरी २०२४ मा जेजु स्थित अस्तार होटलको सभाहलमा आयोजना हुने उक्त साँस्कृतिक कार्यक्रममा नेपाल देखि ख्यातिप्राप्त गायक उर्गेन दोङ आउदै छन् । ल्होछार साँस्कृतिक कार्यक्रमको निम्ती तयारी गर्नुपर्ने अधिकांश कामहरु पुरा भएकोले अध्यक्ष ब्लोनले कार्यक्रममा सहभागिताको निम्ती लाबा न्युज मार्फत सार्वजानिक आह्वान गरेकी छिन् । ख्यातिप्राप्त गायक उर्गेन दोङको मुख्य प्रस्तुती रहने उक्त कार्यक्रममा स्थानिय गायिका रिचा ब्लोन तामाङ, नृत्याङ्गना प्रतिज्ञा लामा लगायत अन्य थुप्रै स्थानिय कलाकारहरुको प्रस्तुती रहने जनाएको छ ।
पहिलो पटक नेपाल दखि कलाकार ल्याएर आयोजना गर्न लागेको कार्यक्रममा ल्होछार प्रेमीहरुको बाक्लो सहभागिता हुनेमा आफुहरु ढुक्क रहेको अध्यक्ष ब्लोनले बताए । छेजु घेदुङले यस पटक सहित तेश्रो पटक ल्होछार साँस्कृतिक कार्यक्रमको आयोजना गर्दै छ । फेब्रुअरी ११ तारिक बिहान ११ बजे देखि साँझ ७ बजे सम्म हुने उक्त ल्होछार साँस्कृतिक कार्यक्रममा तामाङ समुदायको मौलिक परिकारहरु संगै अन्य खानेकुराहरुको पनि ब्यवस्था रहने जनाएको छ ।
