हेटौंडा/ आर्मीलाई सडनडेथमा पराजित गर्दै धनकुटा सेमिफाइनलमा प्रवेश गरेको छ । सोमबार हेटौंडा – ६ स्थित गौरिटार रंगशालामा भएको खेलमा धनकुटाले त्रिभुवन आर्मी क्लबलाई सडनडेथमा पराजित गर्दै सेमिफाइनलमा स्प्रवेश गरेकोे हो ।
निर्धारित समयमा १–१ गोलको बराबरीमा सकिएपछि खेल टाइब्रेकरमा गएको थियो । टाइब्रेकरमा ३–३ को बराबरी भएपछि खेलको निर्णय सडनडेथबाट गरिएको थियो । खेलको ११ औं मिनेटमा आर्मीको तर्फबाट रसबहादुर मगरले गोल गर्दै टिमलाई अग्रता दिलाएका थिए । दोस्रो हाफको ८४औं मिनेटमा धनकुटाका तर्फबाट विदेशी खेलाडी अजायी मार्टिनले गोल गर्दै खेल ट्राइब्रेकरमा पुगेको थियो । ट्राइब्रेकरमा ३–३ गोल भएपछि सडनडेथमा राजारानीका प्रवेश दनुवार र उमेश कार्कीले गोल गरेका थिए । धनकुटाले सेमिफाइनलमा न्यूरोड टिम एनआरटीसँग प्रतिस्पर्धा गर्नेछ । प्रतियोगिता अन्तर्गत भोलि मंगलबार थ्रीस्टार क्लब ललितपुर र सशस्त्र प्रहरीको एपीएफ क्लबबीच प्रतिस्पर्धा हुने आयोजक जिल्ला फुटबल संघ मकवानपुरले जनाएको छ ।
