शुभराज भोम्जन
दक्षिण कोरिया । जीएमइले रमिट संगै मोवाइल सेवा पनि ल्याएको छ । एलजी नेटवर्क अन्तर्गतको सस्तो आल्तुलफोन जीएमई मोवाइलको उदघाटन भएको छ । आइताबार दक्षिण कोरियाको आन्सान सहरमा रहेको जीएमइको कार्यालयमा एक समारोहको आयोजना गर्दै उदघाटन गरिएको हो ।
उदघाटन भए संगै आइतबारदेखि औपचारिक रुपमा सेवा सुरु भएको छ । ग्लोबल मनी एक्सप्रेसका प्रमुख कार्यकारी अधिकृत जोन, एलजी युप्लस टेलिकम्युनिकेशन कम्पनीका उच्च अधिकारी ह्युङजु किम र थुप्रै मोवाइल पसलका सञ्चालकहरुको उपस्थितिमा जीएमई मोवाइलको रिबन काटेर उदघाटन गरिएको थियो ।
जीएमइ रेमिटले सन् २०१७ देखि दक्षिण कोरियाबाट बिभिन्न मुलुकमा भरपर्दो तरिकाले रेमिट सेवा दिदै आइरहेको छ ।यस भन्दा अघि जीएमइले जीएमइ ऋण, जीएमइ चेक कार्ड जस्ता सेवाहरु पनि दिदै आइरहेको थियो । उदघाटन समारोहमा थुप्रै सेवाग्राहीहरुलाई मोवाइल सेवा प्रदान गरिएको थियो ।
