सेनाको गोली लागि मारिएका हेटौंडाका तितुङको परिवारको व्यस्थापनमा पहल गरिने

हेटौंडा / पर्सा राष्ट्रिय निकुञ्ज क्षेत्रमा सेनाको गोली लागि मारिएका हेटौंडा १४ का शुक्र बहादुर तितुङको  परिवारको व्यवस्थापनमा पहल गर्ने भएका छन् ।

बागमती प्रदेश सभाको उद्योग, पर्यटन तथा वातावरण समितिका सभापति तथा सदस्यको टोलिले तितुङको  परिवारलाई भेट गर्ने क्रममा समितिका सदस्य भारती पाठकले निकुञ्ज र मध्यवर्ती क्षेत्र सम्बन्धि कानुन संसोधनको कुरा उठिरहेको बताइन् । उनले पीडित परिवारको व्यवस्थापनमा पहल गरिने बताइन् ।

समितिका सभापति आनन्द कुमार श्रेष्ठ, सदस्य भारती पाठक लगायत टोलिले मृतकका श्रीमती, छोराछोरी लगायत परिवारका सदस्यहरुसँग घरमै पुगेर भेट गरेको हो । भेटका क्रममा समितिका सभापति आनन्द कुमार श्रेष्ठले निकुञ्ज आसपास बसोबास गर्ने नागरिकहरु प्रति राज्य सहिष्णु हुनुपर्ने बताए ।

Advertisement