हेटौंडा/ नेपाली सांगीतिक क्षेत्रमा नयाँ सिर्जना थपिएको छ । चर्चित गायिका मेलिना राई र गायक आस्मान लोप्चनको स्वरमा रहेको नयाँ गीत “कोरियन लाहुरे” सार्वजनिक गरिएको छ ।
गीतलाई क्लिक नेपाल युट्युब च्यानलमार्फत सार्वजनिक गरिएको हो । गणेश तामाङ योञ्जनद्वारा लेखिएको गीतमा विशाल काल्तानले संगीत भरेका छन् । गीतको म्युजिक भिडियोलाई युद्ध लामाले निर्देशन गरेका हुन् । रोमान्टिक र हल्का हाँस्य शैलीको भिडियोलाई दर्शकहरूले सकारात्मक रूपमा लिएका छन् । भिडियोलमा गायक आस्मान लोप्चन र मोडल सञ्जना गुरुङको अभिनय देख्न सकिन्छ। सञ्जना गुरुङकै कोरियोग्राफी रहेको भिडियोलाई दुर्गा श्रेष्ठले छायांकन गरेका हुन् भने अनिल बिष्ट प्यूठानीले सम्पादन गरेका हुन् । गीतले कोरियन शैलीको प्रेमभाव र नेपाली मौलिकता मिसाएर नयाँ स्वाद दिन खोजेको छ। विदेशमा रोजगारीका लागि गएका युवाहरूको कथालाई प्रेमसँग जोड्दै तयार पारिएको भिडियोले युवा पुस्ताको कथा बोल्ने प्रयास गरेको निर्माण पक्षको भनाइ छ । सामाजिक सञ्जालमा पनि भिडियोले सकारात्मक प्रतिक्रिया पाउन थालेको छ ।
