हेटौंडा/ ओम अटोमोबाइल्स हेटौंडाले रोयल इन्फिल्डको नयाँ सडक यात्रामुखी मोटरसाइकल ‘गुरिल्ला ४५०’ हेटौंडामा सार्वजनिक गरेको छ ।
कम्पनीका अनुसार गुरिल्ला ४५० तीन प्रकारमा उपलब्ध हुनेछ । मोटरसाइकलमा ४५२ घन सेन्टिमिटर क्षमताको एक सिलिन्डरयुक्त तरल शीतलन प्रणाली भएको इन्जिन प्रयोग गरिएको छ । यसले ८ हजार आरपीएममा ४० पीएस शक्ति तथा ५ हजार ५ सय आरपीएममा ४० एनएम टर्क उत्पादन गर्ने कम्पनीले जनाएको छ । मोटरसाइकलमा ६ गियर, सहायक तथा स्लिप क्लच, विद्युतीय नियन्त्रण प्रणाली, दुई प्रकारका सवारी सञ्चालन अवस्था, एलईडी बत्ती, डिजिटल सूचना प्रदर्शन प्रणाली तथा मोबाइल जडान सुविधा समावेश गरिएको छ ।
यसमा अगाडिको टेलिस्कोपिक सस्पेन्सन, पछाडिको मोनो–शक सस्पेन्सन तथा १७ इन्चका ट्युबलेस टायर प्रयोग गरिएको कम्पनीले जनाएको छ । कम्पनीका अनुसार मोटरसाइकलको अग्रिम बुकिङ खुला भइसकेको छ भने वितरणसमेत सुरु गरिएको छ । हेटौंडासहित देशभर रहेका रोयल इन्फिल्डका बिक्री केन्द्रमार्फत मोटरसाइकल उपलब्ध हुने बताइएको छ । गुरिल्ला ४५० को शोरुम मूल्य ८ लाख ९९ हजार रुपैयाँ निर्धारण गरिएको कम्पनीले जनाएको छ ।
