दक्षिण कोरिया । थारु कल्याणकारिणी सभा दक्षिण कोरियाले माघी पर्व (थारु सम्बत् २६४७) को अवसरमा शुभकामना आदान प्रदान तथा साँस्कृतिक कार्यक्रम साथै चौँथो अधिवेशन फेब्रुअरी १० तारिकका दिन सौलान आयोजना गर्ने भएको छ । शुभकामना आदान प्रदान तथा साँस्कृतिक कार्यक्रममा ख्यातिप्राप्त गायिका अनु चौधरीको सांगीतिक प्रस्तुती समेत रहने आयोजकले जनाएको छ ।
त्यसैगरी उक्त कार्यक्रममा स्थानिय कलाकारहरु संगै समीक्षा चौधरी, राज कुश्मिको पनि प्रस्तुती रहने छ । फेब्रुअरी १० तारिख 서울 뉴성라이 온스 클럽 서울특별시 성북구 도조문로 २० 나길 ४७ मा हुने कार्यक्रममा निशुल्क रुपमा प्रवेश गर्न पाउने समेत आयोजक समितिको अध्यक्ष शिवसंकर महतो थारुले जानकारी दिएका छन् । उक्त अवसरमा संस्थाको चौँथो अधिबेशन समेत हुने जनाएको छ । अध्यक्ष थारुले कार्यक्रममा सहभागिताको निम्ती सार्वजानिक रुपमा आह्वान समेत गरेका छन् ।
