एजेन्सी / इरानका राष्ट्रपति इब्राहिम रैसीको हेलिकप्टर दुर्घटनामा परि निधन भएको छ । इरानी रेडक्रस र रेड क्रिसेन्टले आफ्ना उद्धारकर्ताले हेलिकप्टर दुर्घटना भएको अवस्थामा फेला पारेको जनाएका छन् ।
रेडक्रसका झण्डै ७३ उद्धार टोली रातभरी हेलीकोप्टरको खोजी तथा उद्धारमा खटिएकोमा हेलिकप्टर पुरै जलेको अवस्थामा फेला परेको हो । स्थानीय समय अनुसार आज बिहानै उद्धारकर्ताहरु दुर्घटनास्थलमा पुगेका हुन् । राष्ट्रपति रैसी सवार हेलिकप्टर खराब मौसमका कारण दुर्घटना भएको अनुमान गरिएको छ । इरानको इस्ट अजरबैजान प्रान्तको राजधानी शहर ताब्रिजतर्फ जाँदै गरेको हेलीकोप्टर दुर्घटनामा परेको हो । दुर्घटनाग्रस्त हेलिकप्टरमा राष्ट्रपति रैसी, विदेशमन्त्री हुसेन अमिर अब्दुलाहियानसहित ९ यात्रु सवार रहेकोमा उनीहरु सबैको निधन भएको हो । राष्ट्रपतिको निधनले इरान शोकमा डुबेको छ ।
Advertisement
