दक्षिण कोरिया । भगवान शिद्धार्थ गौतम बुद्धको २५६८ औं जन्म जयन्तीको अवसर परेर नेपाल बौद्ध परिवार र नागार्जुन गुम्बाको संयुक्त आयोजनामा दोङ्दुछन जिहेङ स्थित नागार्जुन गुम्बामा बुद्ध जयन्तीको कार्यक्रम सम्पन्न गरिएको छ।
बुद्ध जयन्तीको मुख्य तिथि मे २३ तारीखमा परेता पनि सम्पुर्ण भक्तजनहरुको फुर्सद र छुट्टीको समयलाई मध्यनजर गर्दै मे २६ तारीखको दिन आयोजना गरिएको थियो। कार्यक्रममा दक्षिण भारत स्थित विश्व प्रख्यात बौद्ध विश्वविद्यालय ङग्युर ञिङम पल्युल नम्डोलिङ बाट स्नातक प्राप्त गर्नु भएको खेन रिन्पोछे सोनाम फुर्वा लामाको समेत सहभागिता रहेको थियो ।
लामा गुरुहरु र थुप्रै भक्तजनहरुको उपस्थितिमा (रिग्जीन दुपा ) विद्याधर समुच्चय पुजा विधि अनुसार (छेवाङ) आयु अभिषेक र भगवान गौतम बुद्धको जीवनि र भगवान बुद्धको १२ वाट लिलाहरु मध्ये विशेष लीला बैशाख पुर्णिामाको बारेमा धर्म प्रवचन गर्नु भएको थियो। हिमालयन महायानि बौद्ध मार्गिहरुले विशेष महिनाको रूपमा हेरिने भोट पात्रो अनुसार चौथो महिना अर्थात (सागा दावा) को महिनालाई त्रिसंयोग महिना र बैशाख पुर्णिामाको दिनलाई त्रिसंयोग तिथि भनेर मानिन्छ। कार्यक्रममा सहभागि भक्तजनहरुलाई आयोजकले धन्यवाद ज्ञापन गरेका छन् ।
