स्थानीय तह विशेष

हेटौंडा/ हेटौंडा उपमहानगरपालिका  १९नं. वडा आगामी शुक्रबार बालमैत्री स्थानीय शासनयुक्त वडा घोषणा हुने भएको छ । मंगलबार पत्रकार सम्मेलनको आयोजना गर्दै वडालाई निकृष्ट बालश्रम मुक्त, बालविवाह मुक्त बालमैत्री घोषणा गर्न लागिएको वडा अध्यक्ष नरनारथ सुवेदिले जानकारी दिए । बालमैत्री स्थानिय शासनयुक्त वडा घोषणा गर्न ५१ सूचकहरू आवश्यक पर्छ । उक्त सुचकहरुमध्ये ४४ वटा सूचकहरु १०० प्रतिशत र १ वटा सुचक ९८ प्रतिशत, ३ वटा सुचक ९५ प्रतिशत र बाँकी ३ वटा सुचकहरु ः ९०, ८५ र ८० सम्म नतिजा हाँसिल भएको वडा अध्यक्ष सुवेदिले बताए । यस वडामा कुल बालबालिकाको जनसंख्या ५१.५५ प्रतिशत बालक र ४८.४४ प्रतिशत बालिका रहेको छ । वडामा सामुदायिक र संस्थागत र बाल विकास केन्द्र गरी १० वटा विद्यालय र समुदाय स्तरमा १८ वटा बालसमुहरु र १ वडा बालसन्जाल रहेका छन् ।...

काठमाडौँ / स्थानीय तह उपनिर्वाचनअन्तर्गत सोमबार उम्मेदवारको विरोधमा उजुरी दिन सकिने भएको छ । निर्वाचन आयोगका अनुसार विहान १० देखि अपरान्ह ३ बजेसम्म उम्मेदवारको विरोधमा उजुरी दिन सकिने छ भने मङ्सिर ४ गते अपरान्ह ५ बजेसम्म मनोनयनपत्र र उजुरी उपर जाँचबुझ तथा निर्णय गरी सोही दिन ६ बजेसम्म उम्मेदवारको नामावली प्रकाशन गर्ने कार्यक्रम छ । यस्तै मङ्सिर ५ गते उम्मेदवारको नाम फिर्ता लिने, उम्मेदवारको अन्तिम नामावली प्रकाशन गर्ने र अपरान्ह ३ देखि ५ बजेसम्म उम्मेदवारलाई निर्वाचन चिह्न प्रदान गर्ने कार्यक्रम रहेको आयोगको भनाइ छ । यही मङ्सिर १६ गते बिहान ७ देखि अपराह्न ५ बजेसम्म सम्बन्धित मतदान केन्द्रमा मतदान हुनेछ । जसका लागि आइतबार विभिन्न ४२ पदका लागि चार सय सात जनाको मनोयन पत्र दर्ता भएको छ । यस्तै जिसस प्रमुख पदका लागि पनि ३ जनाको उम्मेदवारी परेको छ ।...

काठमाडौँ / यही मङ्सिर १६ गते हुने स्थानीय तह उपनिर्वाचनका लागि आज मनोनयनपत्र दर्ता हुँदै छ । बिहान १० देखि अपराह्न ५ बजेसम्म सम्बन्धित स्थानीय तहमा स्थापना भएका निर्वाचन अधिकृतको कार्यालयमा उम्मेदवारको मनोनयन दर्ता हुने निर्वाचन आयोगका सहसचिव एवं प्रवक्ता निता पोखरेल अर्यालले जानकारी दिइन् । उम्मेदवारको मनोनयन दर्ताको सम्पूर्ण तयारी पूरा भएको र आजै साँझ ५ देखि ६ बजेसम्म उम्मेदवारको सूची प्रकाशन हुने आयोगले जनाएको छ । उपनिर्वाचनका लागि शुक्रबार ३८ वटा निर्वाचन अधिकृतका कार्यालय स्थापना भएका छन् । उपनिर्वाचन हुने स्थानीय तहमा ३२ वटा मुख्य निर्वाचन अधिकृतका कार्यालय र छवटा निर्वाचन अधिकृतका कार्यालय स्थापना गरिएका निर्वाचन आयोगले जनाएको छ । मङ्सिर ३ गते बिहान १० देखि अपराह्न ३ बजेसम्म उम्मेदवारको विरोधमा उजुरी दिने, सोही दिन अपराह्न ३ बजेपछि मनोनयनपत्र र उजुरीमाथि जाँचबुझ एवं निर्णय गरी ...

मकवानपुर, हेटौंडा/ हरिबोधनी एकादशी वर्षमा पर्ने चौबीस वटा एकादशी मध्ये सबैभन्दा ठूलो एवं महत्त्वपूर्ण एकादशी हो । यसलाई ठूलो एकादशी पनि भनिन्छ । हिन्दू धर्ममा एकादशीलाई भगवान् विष्णुको उपासना गर्ने पर्वको रूपमा लिने गरेका छन् । भविष्योत्तर पुराणमा अन्य एकादशीमा भन्दा आज गरिने भगवान् विष्णुको उपासना बढी फलदायी हुने कुराको उल्लेख गरिएको छ । मकवानपुर गढी गाउँपालिका वडा नमबर २ मा अवस्थित एतिहासिक मकवानपुर गढी दरबार परिसरमा कार्तिक २७ गते मंगलबार हरिबोधनी एकादशी बिशेष मेला हुदंै छ । हरेक बर्ष यस दरबार परिसरमा हरिबोधनी एकादशीको अवसर पारेर मेला हुदैं आएको छ । भगवान कृष्ण को र महादेंव को मन्दिर अवस्थित रहेकाले छिमेकीे जिल्ला र भारतको बिहार सम्मका श्रद्धालुहरु दर्शन गर्न आउने गरेको २ नम्बर वडाका वडा अध्यक्ष्य बखान सिङ पाख्रिनले बताए । मेलामा विभिन्न खाले मादले नाच , जुहारी जस्ता गतिविधि हुने उनल...

हेटौँडा / मकवानपुरको ईन्द्रसरोवर गाउँपालिकालाई हेटौँडा उपमहानगरपालिकाले ५ लाख रुपैयाँ प्रदान गर्ने निर्णय गरेको छ । बाढी पहिराले प्रभावित पारेका ईन्द्रसरोवर गाउँपालिकाको पुनर्निर्माणका लागि उपमहानगरपालिकाले ५ लाख रुपैयाँ प्रदान गर्ने भएको हो । यसै गरी असोज १२ गते सस्नेरीमा पहिरोमा परी ज्यान गुमाएका हेटौंडा १२ का अनुपम घलानको परिवारलाई पनि १ लाख रुपैयाँ प्रदान गर्ने निर्णय गरेको छ । उक्त निर्णय आइतबार उपमहानगरपालिकाको ५४ औं कार्यपालिका बैठकले गरेको हो ।...

हेटौंडा/ हेटौंडा उपमहानगरपालिका वडा नम्बर ११ असोज १९ गते शनिबार निकृष्ठ बाल श्रम मुक्त स्थानिय शासन युक्त वडा घोषणा हुदै छ । बिहीबार वडाले पत्रकार सम्मेलनको आयोजना गर्दै निकृष्ट बाल श्रम मुक्त, बाल विवाह मुक्त तथा स्थानिय शासन युक्त वडा घोषणा गर्न लागिएको जानकारी दिए । ‘बालबालिकामा लगानी सुनिश्चित भविष्यको थालनी’ भन्ने मुल नाराका साथ वडा बाल मैत्री घोषणा गर्न लागिएको हो । बालमैत्री स्थानीय शासन घोषणा गर्न आवश्यक ५१ वटा सूचकहरुमा अभ्यास गरी ५१ वटा सूचकहरु मध्ये ४४ वटा सुचकहरु १०० प्रतिशत र १ वटा सुचक ९८ प्रतिशत १ वटा सुचक ९७, १ वटा ९५, १ वटा सुचक ९०, १ वटा सुचक ८१ र १ वटा सुचक ८० प्रतिशत सम्म नतिजा हासिल गरेका छन् । वडामा घरधुरी तथ्यांक संकलन २०७९ अनुसार कुल ११ हजार १ सय ५ जनसङ्ख्या रहेकोमा १८ वर्ष मुनिका ३ हजार ४ सय १७ बालबालिकाको जनसङ्ख्या रहेका छन् । त्यसमा १ हजार ७ सय ९८ बालक र १ हजा...

हेटौंडा/ नेपाली कांग्रेसका महामन्त्री विश्व प्रकाश शर्मा हेटौंडा आउने भएको छ । भदौ ३० गते  हुन गईरहेको विभागिय अन्तरक्रिया कार्यक्रमलाई सम्बोधन गर्न महामन्त्री शर्मा हेटौंडा आउने भएको हो ।  मकवानपुरको १० वटै स्थानीय तहका जनप्रतिनिधिहरु संगको अन्तर संवाद कार्यक्रममा प्रमुख अतिथिको रुपमा महामन्त्री शर्मा हेटौंडा आउन लागिएको नेपालि कांग्रेस मकवानपुरका सभापति बुद्ध लामाले जानकारी दिए । जनप्रतिनिले के कसरी काम गर्ने र मार्ग निर्देशनबारे छलफल हुनुका साथै जनप्रतिनिधिको अवस्था र २०७९ वैशाखमा सम्पन्न निर्वाचनको समिक्षा बारे अन्तर संवाद कार्यक्रम आयोजना गर्न लागिएको सभापति लामाले बताएका छन् । कार्यक्रममा मकवानपुरका स्थानीय तहका अनुमानित  २०० जनप्रतिनिधहरुको उपस्थित रहने जनाएको छ । ...

हेटौंडा/ हेटौंडा उपमहानगरपालिका वडा नम्बर ४ बाल मैत्री घोषणा हुने भएको छ । भदौ २८ गते वडालाई निकृष्ट बालश्रम मुक्त , बाल विवाह मुक्त तथा स्थानिय शासन युक्त वडा घोषणा गरिने भएको हो । बुधबार वडाले पत्रकार सम्मेलनको आयोजना गर्दै तेस्रो बृहत शैक्षिक प्रदर्शनि तथा साँस्कृतिक कार्यक्रम सहित बाल मैत्री वडा घोषणा कार्यक्रमको आयोजना गर्न लागिएको जानकारी दिए । बाल मैत्री स्थानिय शासन घोषणा हुन आवश्यक पर्ने ५१ वटा सूचकहरु मध्ये ४९ वटा सूचक १०० प्रतिशत र २ वटा सूचक ९५ प्रतिशत सम्म नतिजा हासिल गर्दै वडालाई बाल मैत्री घोषणा गरिने भएको छ । उक्त वडामा घरधुरी तथ्याङ्क संकलन २०७९ अनुसार १४ हजार ७ सय ३५ कुल जनसंख्या रहेकोमा ७ हजार ४०८ महिला र ७ हजार २३२६ पुरुष १ जना लैगिंक अल्पसंख्यक रहेका छन् । १८ बर्ष भन्दा भन्दा कम उमेरका बालबालिकाको संख्या भने ४ हजार २ सय ७० रहेको छ । जसमा २२५१ बालक र २०१९ बालिका रहेका ...

हेटौंडा/ हेटौंडा उपमहानगरपालिका १० नम्बर वडा बाल मैत्री स्थानीय शासन युक्त वडा घोषणा हुदैँ छ । सोमबार उक्त वडा कार्यलयले पत्रकार सम्मेलनको आयोजना गर्दै बाल मैत्री  घोषणा गरिने सम्बन्धमा जानकारी दिएको हो । बालबालिकामा लगानी , सुनिश्चित भविष्यको थालनी भन्ने मुल नाराका साथ भदौ ८ गते शनिबार बाल मैत्री घोषणा गरिने जनाएको छ । वडालाई निकृष्ट बालश्रम मुक्त, बाल विवाह मुक्त  तथा बाल मैत्री स्थानीय शासन युक्त वडा घोषणा गरिने १० नम्बर वडा अध्यक्ष फुर्वा दोर्जे लामाले बताए । वडाले स्थानीय शासन अभियान सञ्चालन गरी विभिन्न चरण पार गरी घोषणाको तयारी गरिरहेको अध्यक्ष लामाले जानकारी दिए । बाल मैत्री स्थानीय शासन  घोषणा गर्न ५१ वटा सुचकहरुमा अभ्यास गरी ४९ वटामा सुचकहरु १०० प्रतिशत, १ वटा सुचक ९५ प्रतिशत, १ वटा सुचक ८१ प्रतिशत सम्म नतिजा हासिल गरेको बताएका छन् । उक्त वडामा घरधुरी तथ्याङ्क संकलन , २०७९ अनुसा...

हेटौंडा/  हेटौंडा उपहानगरपालिका वडा नम्बर २ बाल मैत्री स्थानिय शाषणयुक्त घोषणा हुदै छ । “बालबालिकामा लगानी; सुनिश्चित भविष्यको थालनी“ भन्ने मुल नाराका साथ साउन १२ गते शनिबार उक्त वडालाई बाल मैत्री घोषणा गरिने भएको छ । बिहीबार मुल समारोह समितिले पत्रकार सम्मेलनको आयोजना गर्दै बाल मैत्री घोषणा गरिने बारे जानकारी दिएको हो । हेटौडा उपमहानगरपालिका वडा नं. २ को आयोजनामा हुने निकृष्ट बालश्रम मुक्त, बाल विवाह मुक्त तथा बालमैत्री स्थानीय शासनयुक्त वडा घोषणा गर्ने कार्यक्रममा बृहत प्रभातफेरी सहित वडा परिक्रमा पश्चात एभोकाडो  रिसोर्टमा घोषणा कार्यक्रम समारोह हुने आयोजकले जानकारी दिएका छन् । नेपाल सरकारको मापदण्डको आधारमा बालमैत्री स्थानीय शासन घोषणा गर्न आवश्यक ५१ वटा सूचकहरु मध्ये ४६ वटा सूचकहरु १०० प्रतिशत, ३ वटा सूचक ९६ प्रतिशत, १ वटा सूचक ९५ प्रतिशत र १ वटा सूचक ९० प्रतिशतसम्म नतिजा हासिल गरेको...