हेटौंडा/ मकवानपुरको मनहरी गाउँपालिका स्थानीय स्काउट परिषदमा सदस्यहरु निर्विरोध निर्वाचित भएका छन् ।
माघ २२ गते भएको निर्वाचन कार्यक्रममा सम्पूर्ण सदस्यहरु निर्विरोध निर्वाचित भएको निर्वाचन अधिकृत केशव गौतमले जानकारी दिए । स्काउट परिषद सदस्य निर्वाचित हुनेहरुमा स्काउटरहरु अनन्त पौडेल, सुजन अर्याल, जगदिश्वोर पोखरेल,रोशनी दर्जी र संजिता मगर रहेका छन् । आवश्यक सङ्ख्यामा मात्र उमेदवारी परेपछि मतदान प्रक्रियामा जानु नपरेको र निर्विरोध निर्वाचित भएको घोषणा गरिएको निर्वाचन अधिकृत गौतमले बताए । निर्वाचित घोषणासँगै निर्वाचन अधिकृत गौतमले निर्वाचित भएको प्रमाणपत्र प्रदान गरेका थिए । मनहरी गाउँपालिकामा २ जना महिला र ३ जना पुरुष सदस्यको निर्वाचन गरिएको हो ।
Advertisement
