हेटौंडा/ रबि लामिछाने पक्राउ तथा राजनीतिक प्रतिशोध , अनियमितता बेथिति र भ्रष्टाचारको विरुद्ध हेटौंडामा खबरदारी तथा विरोध र्याली निकालेको छ । राष्ट्रिय स्वतन्त्र पार्टी युवा सङ्गठन मकवानपुरको आयोजनामा सोमबार रास्वपा केन्द्रिय सदस्य रबि लामिछाने पक्राउ तथा राजनीतिक प्रतिशोध , अनियमितता बेथिति र भ्रष्टाचारको विरुद्ध खबरदारी तथा बिरोध कार्यक्रम अनुसार विरोध र्याली निकालिएको हो ।
उक्त र्याली द्रुत कार्य टोलि बागमती प्रदेश सभापति महेन्द्र श्रेष्ठको नेतृत्वमा विरोध र्याली निकालिएको हो । बिरोध र्यालिमा करिव २५० जनाको उपस्थितिमा ब्यानर , पम्प्लेट र राष्ट्रिय झण्डाहरु बोकेर टाउकोमा निलो रिबन बाधि नाराबाजी गर्दै र्याली सुरु गरेको थियो । उक्त र्यालिमा भ्रष्ट सरकार चाहिदैन,नेपाली जनता के भन्छ बिधिको शासन ले भन्छ , –दलाल माफिया होसियार , –दुई तिहाइको पाराले दुख पाए साराले ,भ्रष्ट सेक्ने आशामा राष्ट्र सेवक बाटामा ,सहकारी पीडितलाई न्याय दे, भ्रष्ट सरकार मुर्दाबाद जस्ता नारा लगाउदै हेटौंडा बजार परिक्रमा गरेका थिए ।
यसै गरी कोणसभालाइ सम्बोधन गर्दै रास्वपा केन्द्रीय सदस्य तथा प्रतिनिधि सभा सांसद विन्ध्ववासिनि कंसाकारले रवि लामिछानेलाई जेलमा राखेर सहकारी पिडितको बचत कसरी फिर्ता गर्ने तर्फ हैन कि जेल अबधि कसरी लम्वाउने तर्फ मात्र ध्यान दिइको बताए । दुई तिहाइको सरकारले मुलुकमा दम्भ सिर्जना गरिरहेको, राष्ट्रिय स्वतन्त्रता पार्टिलाइ सकाउने कुरा तर्फ मात्र जोड दिइको, नागरिक समाज उठ्न जरुरि रहेको बताए ।
