दक्षिण कोरिया । आइतवार कास्की परिवार दक्षिण कोरियाको पत्रकार सम्मेलन भएको छ । कास्की परिवार दक्षिण कोरियाले कोरियन चाड सलनालको पहिलो दिन जनवरी २८ गते आयोजना गर्न लागिएको माछापुच्छ्रे सांगीतिक सौगात भाग ४ विषयमा जानकारी दिने हिसावले पत्रकार सम्मेलन गरिएको थियो ।
पत्रकार सम्मेलनमा दिएको जानकारी अनुसार कार्यक्रममा आमन्त्रण गरिएको १९७४ एडी ब्याण्डका लगभग सबै कलाकारहरुले भिसा पाईसकेता पनि कार्यक्रम गर्ने हलको भने अझै टुङ्गो लागिनसकेको जनाएको छ । कार्यक्रम संयोजक खोम प्रसाद गुरुङले बताए अनुसार अर्को हप्ता सम्ममा हल पनि फाइनल हुने जनाएको छ । त्यसैगरी गण्डकी प्रदेश समाजका अध्यक्ष प्रबिन गिरीले हल फाइनल नभएको खण्डमा पनि कलाकारहरुको भिसा आइसकेकोले कार्यक्रम नहुने चान्स शुन्य रहेको बताएका छन् । आयोजकले बताए अनुसार कार्यक्रम सम्पन्न गर्नको लागि दशौ करोड वन सम्म पनि लाग्न सक्ने बताएका छन् ।
कार्यक्रम हल सहज रुपमा पाउने अवस्था नरहेको र विचौलियाहरुको कारणले चर्को शुल्क बुझाउनु पर्ने बाध्यता रहेको अवस्थामा विना विचौलियाको साहारामा हल खोज्दा हल पाउन समय लागेको आयोजकले बताएका छन् । कास्की परिवार दक्षिण कोरियाको अध्यक्ष सन्तोष पौडेलको अध्यक्षतामा भएको पत्रकार सम्मेलनमा एनसीसी दक्षिण कोरियाको अध्यक्ष हरी खनालको प्रमुख आतिथ्यता रहनुका साथै बिभिन्न संघ संस्थाहरुको अध्यक्ष तथा प्रतिनिधिहरुको आतिथ्यता रहेको थियो ।
