काठमाडौं । नेपालले त्रिकोणात्मक टी २० आई सिरिजमा आज नेदरल्यान्ड्ससँग खेल्दैछ । शीर्ष दुईमा रहँदै फाइनल खेल्न आज बिहान साढे ११ बजे देखि टीयु क्रिकेट मैदानमा सुरु हुने खेल नेपाललाई जित्नै पर्ने दबाब सिर्जना भएको छ ।
नेपाल पहिलो खेलमा नामिबियासँग २० रन र दोस्रो खेलमा नेदरल्यान्ड्ससँग २ रनले पराजित भएको थियो । तेस्रो खेलमा नामिबियालाई ३ रनले हराउँदै फाइनल सम्भावना कायमै राखेको छ । नेपाल आजको खेलमा विजयी हुँदा ४ अंक हुनेछ । आइतबार नेदरल्यान्ड्सले नामिबियालाई हराएको खण्डमा सहजै फाइनलमा पुग्नेछ । नामिबिया विजयी हुँदा भने नेटरनरेट हेर्नु पर्ने हुन्छ । नेपाल आज पराजित भए पनि फाइनल सम्भावना रहन्छ । त्यसको लागि नामिबिया अन्तिम खेलमा फराकिलो अन्तरले पराजित हुनुपर्छ ।
Advertisement
