दक्षिण कोरिया । अर्घाखााची स्थायी घर भई दक्षिण कोरियालाई कर्मभूमी बनाएर बसोबास गर्दै आइरहेका नेपालीहरुको साँझा संगठन अर्घाखाँची सम्पर्क मञ्च दक्षिण कोरियाको ७ औँ अधिवेशन भोली आइताबार सौलको दोङदेमुन स्थित नेपाली थाई रेष्टुरेण्टको सभाहलमा हुने जनाएको छ ।
सन् २०१० मा स्थापना भएर कोरियाली नेपाली समाजमा सकृय रुपमा कृयाशिल रहेको यस संस्थाको भोली हुने अधिवेशनबाट नयाँ कार्यसमिति चयन गर्ने अध्यक्ष हिमाल खनालले बताए । भोली हुने अधिवेशनमा संस्थाको आर्थिक तथा सांगठानिक प्रतिवेदनहरु प्रस्तुत गरिने र सहभागिहरुबाट आवश्यक सुझाब संकलन गरेर प्रस्तुत गरिएको प्रतिवेदनहरु पास गर्ने जनाएको छ । भोली बिहान ११ बजे देखि सुरु हुने अधिवेशनमा सहभागि हुनको लागि अध्यक्ष खनालले कोरियामा रहेका सबै वर्ग क्षेत्रका संघ संस्था र ब्यक्तिहरुलाई लाबा न्युज मार्फत सार्वजानिक रुपमा आह्वान समेत गरेका छन् ।
