हेटौंडा/ दलित महिला संघ मकवानपुरले उद्यम विकास प्रर्वद्धनकालागी दलित महिला बचत समुहलाई रकम हस्तान्तरण गरेका छन् । हेटौंडा उपमहानगरपालिकाका ५ वटा वडाका दलित महिला समुहलाई ४२ हजार रकम बराबरको चेक हस्तान्तरण गरिएको हो ।
दलित महिला संघले आईतबारर पनि बकैया गाउँपालिकाका ५ दलित महिला बचत समुहका हरेक समुहलाई लाई ४२ हजार रकम बराबरको चेक हस्तान्तरण गर्ने जनाएको छ । दलित महिला बचत समुहमा ३४८ जना महिला सदस्य रहेको संघका अध्यक्ष पवित्र बिश्वकर्माले बताईन् ।
यसै गरी संघले दलित महिला तथा किशोरीहरुको मानव अधिकार प्रर्वद्धनमा सञ्चार क्षेत्रको भुमिका विषयक अन्तरक्रिया कार्यक्रमको आयोजना समेत गरेका थिए । संघका अध्यक्ष बिश्वकर्माले मकवानपुरमा मानसिक रुपमा जातिय विभेद रहेको बताईन् ।
उनले जातिय आधारमा भएको विभेद र हिंसालाई ठाडो निवेदन प्रहरी कार्र्यालयमा दर्ता हुनु पर्ने माग गरिन् । अन्तरक्रिया कार्यक्रममा दलित महिला अभियान्ताहरुले सहेका विभेदको समिक्षा गरेका थिए । महिलाहरुको अधिकारको बिषयमा र बालकालिकालाई निशुल्क शिक्षाको प्रावधान नभएको अभियान्ताहरुले बताएका छन् ।
