हेटौंडा/ बकैया गाउँपालिकाका ५ वटा वडाका दलित महिला बचत समुहलाई बिउ पुजि हस्तान्तरण गरिएको छ । दलित महिला संघ मकवानपुरले ५ वडाका ५ दलित महिला बचत समुहलाई ४२ हजार रकम बराबरको चेक हस्तान्तरण गरिएको हो ।
संघले आईतबार बकैया ४ नम्बर वडाको सभा हलमा सामाजिक न्याय तथा विकास प्रक्रियामा दलित महिलाको पहुच र अभिवृद्धिका लागि जनप्रतिनिधिहरुको भुमिका बिषयक सार्वजनिक संवाद कार्यक्रम र उद्यम विकास प्रर्वद्धनको लागि नगत पुजि कार्यक्रमका बिच महिला समुहलाई नगत चेक हस्तान्तरण गरिएको थियो ।
संवाद कार्यक्रममा दलित महिला संघ मकवानपुरका अध्यक्ष पवित्र बिश्वकर्माले दलित समुदायका महिलाहरुलाई उद्यमी बनाउन स्थानिय सरकारबाट अनुदान दिन माग गरिन् । संवाद कार्यक्रममा दलित महिला र दलित महिला जनप्रतिनिधिहरुले भोगेका विभेदको बिषयलाई उत्थान गरेका थिए ।
र्काक्रममा संघका उपाध्यक्ष तथा जिल्ला समन्वय समिति मकवानपुरका सदस्य सुनिता दर्नाल,बकैया ४ का वडा अध्यक्ष्य राजन दंगाल,६ नम्बर वडा अध्यक्ष फुलकुमार भोम्जन,७ नम्बर वडा अध्यक्ष मान बहादुर सिंतान, ३ नम्बर वडा अध्यक्ष भुमल सिं घलान, बकैया गाउँपालिका उद्यम विकास शाखाका सहजकर्ता विकास श्रेष्ठको उपस्थित रहनुका साथै अन्य पदाधिकारीहरुको उपस्थित रहेको थियो ।
