हेटौंडा/ नेपाल कम्युनिष्ट पार्टी (एमाले) महासचिव शंकर पोखरेलले दुरदर्शिता नभएको नेतृत्वबाट देश विकासको कल्पना गर्न नसक्ने बताएका छन् । शुक्रबार हेटौंडामा भएको नेकपा एमाले मकवानपुरको १२ औ जिल्ला अधिवेशनलाई सम्बोधन गर्दै उनले देशलाई विकासको बाटोमा अगाडी बढाउने काम नेकपा एमालेको नेतृत्वमा नै हुदै आएको बताए ।
उनले एमालेलाई बिभाजन र कमजोर बनाउने षडयन्त्र हुदै आएकाले अधिवेशनको माध्यमबाट कमिकमजोरी नियाल्नु पर्ने बताए । राजनीतिक परिवर्तनमात्र कम्युनिस्ट आन्दोलनको उपलब्धि नभई समाजको अवस्थाको परिवर्तन गर्ने कम्युनिस्ट आन्दोलनको लक्ष्य रहेको र राजनीतिक परिवर्तन पछाडी अल्मलिने लक्ष्य बिर्सने जस्ता परिपाटीले कम्युनिस्ट आन्दोलनले लक्ष्य हासिल गर्न नसकेको दाबि गरे ।
उनले भने “अब नेपालमा धेरै राजनीतिक दल हैन बलियो राजनीतिक दलहरूको आवश्यक छ, जसले ६२/६३ को आन्दोलनको उपलब्धिलाई टेकेर देशको समृद्धिमा अगाडि बढ्नु पर्ने छ ” मुलकलाई समाजवादको दिशामा अगाडि बढाउन नेकपा एमालेको नेतृत्व आवश्यक रहेको भन्दै चुनावलाई वर्ग संघर्ष को अवसरको रुपमा लिनु पर्ने बताए । नेकपा एमाले निति र कार्यदिशामा स्पस्ट रहेको र निति तथा सिद्धांतहरु व्यबहारमा लागु गर्न आवश्यक रहेको बताएका छन् ।
यसै गरी इलाम को उपनिर्वाचन ले राष्ट्रिय स्वतन्त्र पार्टी को उम्मेदवारको जमानत जफत गरेर जनताले रास्वपालाइ वास्तविक धरातलमा राजनीति गर्न उनले सन्देश समेत दिएको छ । अधिवेशनको कार्यक्रममा रहदा सर्वसहमतिमा नंया नेतृत्व चुनिनु सबैभन्दा उत्तम लोकतान्त्रिक पद्धति रहेको भन्दै उनले नेतृत्व चयन गर्न शुभकामना समेत व्यक्त गरेका थिए ।
