हेटौंडा/ नेपाल कम्युनिष्ट पार्टी (एमाले) मकवानपुरको नव निर्वाचित कमिटीका सदस्यहरुले सपथ ग्रहण गरेका छन् । सोमबार एमाले मकवानपुरको १२ औं जिल्ला अधिवेशनबाट निर्वाचित सदस्यहरुले सपथ ग्रहण गरेको हो ।
एमाले वरिष्ठ उपाध्यक्ष इश्वर पोखरेलको प्रमुख आतिथ्यता तथा पार्टी केन्द्रिय सदस्य एवंम मकवानपुर जिल्ला ईन्चार्ज देवि ज्ञवालिको सभा अध्यक्षतामा कार्यक्रम भएको थियो ।
अधिवेशनबाट (एमाले) मकवानपुरको नव निर्वाचित कमिटीका अध्यक्ष श्रीधर पोखरेल , उपाध्यक्ष हिदम लामा, सचिब सिता विष्ट, उपसचिब फुर्वा दोर्जे लामा, आरती पाठक लगायत मकवानपुरका १० वटै स्थानिय तहका सदस्यहरुले सपथ ग्रहण गरेका थिए ।
कार्यक्रममा बोल्दै नव निर्वाचित पोखरेलले पार्टी निर्माणमा ध्यान रहनुका साथैै वहस र छलफल गर्न सधै तयार रहेको बताए । पार्टीलाई अगाडी बडाउन खुलस्थ ढंगबाट सुझाव दिन सदस्यहरुलाई आग्रह समेत गरे । कार्यक्रमका प्रमुख अतिथि एवंम पार्टी वरिष्ठ उपाध्यक्ष पोखरेलले पार्टी बनाउन नेताको विचारमा स्पष्टता हुनु पर्ने बताए ।
यसै गरी कार्यक्रममा बागमती प्रदेश खानेपनि तथा सिचाई मन्त्री एवंम एमाले मकवानपुरका निवर्तमान अध्यक्ष एकालाल श्रेष्ठ,पार्टी केन्द्रिय सदस्य रामेश्वर राणा,जुनेलि श्रेष्ठ, बागमती प्रदेशका पुर्व मुख्यमन्त्री डोरमणी पौडेल लगाएत पार्टीका पदाधिकारीहरुको उपस्थित रहेको थियो ।
