समाचार

काठमाडौँ / नेकपा एमालेका अध्यक्ष केपी शर्मा ओली आइतबार प्रधानमन्त्री पदमा नियुक्त भएका छन् । राष्ट्रपति रामचन्द्र पौडेलले ओलीलाई संविधानको धारा ७६(२) अनुसार प्रधानमन्त्री पदमा नियुक्त गरेका हुन् । प्रचण्ड नेतृत्वको सरकार ढलेसँगै राष्ट्रपतिले शुक्रबार साँझ नयाँ सरकार गठनका लागि आइतबार बेलुका ५ बजेसम्मको समय दिएर आह्वान गरेका थिए । सो आह्वानलगत्तै ओलीले राष्ट्रपति भवन शीतल निवासमा १६६ सांसदको समर्थनमा शुक्रबार राति नै प्रधानमन्त्रीमा दाबी पेस गरेका थिए । जसपा, जनमत, जसपा नेपाल, लोसपा र नागरिक उन्मुक्ति पार्टी कांग्रेस–एमाले गठबन्धनमै भए पनि ओलीले कांग्रेस र एमालेको मात्रै हस्ताक्षर लिएर प्रधानमन्त्रीमा दाबी पेस गरेका थिए ।...

काठमाडौँ / नेपाली कांग्रेसले एमाले अध्यक्ष केपी शर्मा ओलीको नेतृत्वमा बन्ने सरकारमा सहभागी हुने निर्णय गरेको छ । शनिबार बसेको कांग्रेस केन्द्रीय कार्यसम्पादन समितिको बैठकले सो निर्णय गरेको हो । साथै बैठकले सरकारमा सहभागी हुने मन्त्रीहरु चयन गर्न छनोट मापदण्ड समेत बनाएको छ । बैठकले योगदान र योग्यता, समावेशीता र प्रादेशिक सन्तुलन मिलाएर मन्त्री छनोट गरिने मापदण्ड बनाएको सो पार्टीको प्रवक्ता प्रकाशशरण महतले जानकारी दिए ।...

काठमाडौँ / त्रिभुवन विश्वविद्यालयले स्वतन्त्र विद्यार्थी युनियन (स्ववियु) को निर्वाचन आगामी फागुन १५ गते गर्ने भएको छ । त्रिवि प्राज्ञिक परिषद् स्थायी समितिको बैठकले २०८१ सालको शैक्षिक क्यालेन्डर स्वीकृत गर्दै स्ववियु निर्वाचन २०८१ फागुन १५ गते स्ववियु निर्वाचन गर्ने समेत निर्णय गरेको हो । शैक्षिक क्यालेन्डरमा नै स्ववियु निर्वाचनको मिति तोकेको हो । त्यस्तै अर्को निर्वाचन २०८३ को फागुन १४ गते हुनेछ । यसअघि २०७९ चैत ५ गते स्ववियु निर्वाचन गरेको थियो । चैत ५ गते त्रिविका ६२ वटा आंगिक क्याम्पसहरूमध्ये उक्त दिन ४४ मा निर्वाचन भएको थियो ।...

हेटौंडा / मकवानपुरमा मोटरसाइकल एक आपसमा ठक्करखाँदा दुइ जना घाइते भएका छन् । हेटौंडा वडा नम्बर–६ पुतलीबजार स्थितमा धरान चतरा सडक खण्डमा आज बिहान मोटरसाइकल एक आपसमा ठक्करखाँदा हेटौडा– १८ बस्ने १९ वर्षिय सुगम दुलाल र सोही ठाउँका १९ वर्षिय बिनायक दुलाल घाइते भएका हुन् । पुतलीबजार तर्फबाट भुलभले तर्फ जादै गरेको बा प्र ०३–००५ प ६३०९ नंबरको मोटरसाइकल र सोही दिशातर्फ जादै गरेको बा प्र ०३–००३ प ७१२६ नंबरको मोटरसाइकल ठोकिदा उनिहरु घाइते भएको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले जानकारी दिए । दुबै जनाको पुरानो मेडिकल कलेज भरतपुरमा उपचार भइरहेको छ ।...

हेटौंडा/ सेलो जगतको लोकप्रिय गायक प्रकाश तामाङ तितुङ्ग र गायिका सुमिना लो को आवाजमा रहेको 'नक्कली कान्छी' बोलको तामाङ सेलो गीतको म्युजिक भिडियो सहित  सार्वजनिक भएको छ । गायक तथा संगीतकार प्रकाश तामाङ तितुङको संगीतमा तयार भएको उक्त गीतमा कुमार स्याङबाको शब्द रचना रहको छ । गीतलाई फनिन्द्र राईले एरेन्ज गरेका हुन् भने दिपेश प्रधानले मिक्सिङ गरेका छन् । गीतको म्युजिक भिडियोलाई प्रकाश तामाङ तितुङ्गको आधिकारिक युट्युब च्यानल मार्फत शुक्रबार सार्वजनिक गरिएको हो । गीतको भिडियोमा मोडल समिर तामाङ , रस्मिला तामाङको अभिनय रहेका छन् भने भिडियोलाई युद्ध लामाले निर्देशन गरेका हुन् । भिडियोलाई दुर्गा श्रेष्ठले छायाङ्कन गर्नुका साथै अनिल विष्टले सम्पादन गरेका छन्।...

काठमाडौं / नारायणगढ–मुग्लिन सडक खण्डको  सिमलतालमा पहिरोले बगाएर त्रिशूली नदीमा खसाएका दुईवटा बस अहिलेसम्म भेटिएका छैनन् । सशस्त्र प्रहरी बल नेपाल, नेपाली सेनाको गोतखोर टोली र नेपाल प्रहरीले बस खसेको केही बेरमै खोजी सुरु गरे पनि बसको अवस्था पत्ता लाग्न सकेको छैन । त्रिशूली नदीमा बाढीको चाप बढ्दै गएको, पानी धमिलो भएको, बस खसेको ठाउँ एकदमै अफ्ठ्यारो भएकाले खोज्न समस्या भइरहेको सशस्त्र प्रहरीले जनाएको छ ।सशस्त्र प्रहरी बलको विपद् व्यवस्थापन शिक्षालय कुरिनटारबाट एसएसपी माधव पौडेलको कमान्डमा अहिले ७० जनाको टोली खोजी तथा उद्दारमा खटिएको छ । तर अहिलेसम्म केही पनि फेला पार्न नसकिएको उनले बताए ।...

चितवन / चितवनको मुग्लिङ–नारायणगढ सडकखण्डमा गएको पहिरोले दुई वटा बस बगाएपछि सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारबाट गएको गोताखोर सहितको फौज घटनास्थलमा पुगी उद्धार कार्य सुरु गरेको छ । आज बिहान ३ बजे सो सडकखण्डको सिमताल भन्ने ठाउमा अविरल वर्षासँगै आएको पहिरोले दुई वटा बस बगाएको थियो ।दुईवटा बस बगाउँदा त्रिशूलीमा बेपत्ता भएका छन् । ती बसमा चालकसहित ६३ जना रहेको अनुमान छ । काठमाडौँबाट गौर जान आउँदै गरेको गणपति डिलक्स र वीरगन्जबाट काठमाडौँ जाँदै गरेको एन्जट बस पहिरोसहित त्रिशूलीमा खसेका हुन् । उक्त स्थानमा सशस्त्र प्रहरी बल नेपाल १७ गण चितवनबाट ४५ जना र विपद् व्यवस्थापन तालिम शिक्षालयबाट ७ जना गोताखोर सहित २५ जना परिचालन भएको सशस्त्र प्रहरीका सह प्रवक्ता शैलेन्द्र थापाले जानकारी दिए ।...

काठमाडौं / रोजगारपत्र अनुमति प्रणाली (ईपीएस) मार्फत दक्षिण कोरिया जाने नेपाली कामदारको हवाई उडानका लागि बोलपत्र आह्वान गरिएको छ । वैदेशिक रोजगार विभाग अन्तर्गत ईपीएस कोरिया शाखाले काठमाडौंदेखि कोरियाको सिओलसम्म हवाई उडानका लागि बोलपत्र आह्वान गरेको हो । हाल कोरियन एयरलायन्सले एकल रूपमा ईपीएस मार्फत कोरिया जाने नेपाली श्रमिकहरूलाई लग्दै आएको छ । कोरियन एयरसँग गरिएको एक वर्षे सम्झौता सकिन लागेपछि बोलपत्र आह्वान गरिएको हो । आगामी आर्थिक वर्ष २०८१÷०८२ देखि एक वर्षसम्म सिओलसम्म कामदार पु–याउनको लागि बोलपत्र आह्वान गरिएको हो । विद्युतीय माध्यमबाट बोलपत्र आह्वान गरेको ईपीएस कोरिया शाखाले ३१ दिने सूचना सार्वजनिक गरेको छ । बोलपत्र वापतको शुल्कको लागि २० हजार रूपैयाँ दस्तुर तोकिएको छ । त्यसका लागि तीन करोड ८५ लाख रूपैयाँको धरौटी रकम माग गरिएको छ । आवेदन दिँदा सीधा उडानको हवाई भाडादर र ट्रान्जिट ...

हेटौंडा / हेटौडा उपमहानगरपालि वडा नम्बर–१८ बरौलीखोलाले बगाएर बालिकाको मृत्यु भएको छ । स्थानीय धन बहादुर बलको छोरी १० वर्षकी रसमती बल खेतमा जाँदा खोला हेर्ने क्रममा अचानक आफै चिप्ली बरौली खोलामा परी सोही खोलामा आएको बाढिले बगाएको जिल्ला प्रहरी कार्यालय मकवानपुरले जनाएको छ । मृतक बालिकाको शव कानूनी प्रकृया पुरा गरि पोष्टमार्टमका लागि हेटौडा अस्पतालमा ल्याइएको प्रहरीले जनाएको छ ।...

हेटौंडा/ नुवाकोट समाज दक्षिण कोरियाको आयोजनामा बृहत वनभोज तथा भेटघाट कार्यक्रम हुने भएको छ । आउँदो अगस्ट ३ र ४ तारिखमा 경기 양평군 서종면 중미산로 मा वनभोज तथा भेटघाट कार्यक्रम हुने भएको हो । दक्षिण कोरियामा सक्रिय नुवाकोट समाज दक्षिण कोरियाले “सामाजिक एकता र समृद्ध हाम्रो अठोट” भन्ने मूल नाराका साथ कार्यक्रमको आयोजना गर्न लागिएको हो । कार्यक्रममा सहभागि हुन पुरुषको लागि १ लाख वन र महिलाको लागि ८० हजार वन प्रवेश शुल्क तोकिएको आयोजकले जनाएको छ । वनभोज कार्यक्रममा नेपाली परिकार , आरामदायी बास, मनोरञ्जनात्मक कार्यक्रमको व्यवस्था गरिने जनाएको छ । साथै कार्यक्रम स्थलसम्म पुग्न निःशुल्क बसको समेत व्यवस्था गरिएको आयोजकले जनाएको छ ।...