मुख्य समाचार

हेटौंडा /  राष्ट्रिय सूचना दिवस २०८२ को अवसरमा हेटौंडामा मंगलबार सूचनाको हक अवसर र चुनौती विषयक अन्तक्र्रिया कार्यक्रम भएको छ । जिल्ला प्रशासन कार्यालय मकवानपुरको आयोजनामा भएको कार्यक्रममा सहभागीहरूले सूचनाको हक कार्यान्वयनमा अझै धेरै चुनौती रहेको गुनासो गरेका थिए । सुचना दिने निकायहरूले मागिएका सूचना समयमा नदिने, ढिलाइ गर्ने वा अपूर्ण जानकारी दिने प्रवृत्ति बढेको बताएका थिए । उनीहरूले नागरिकले सहज रूपमा सूचना पाउन नसक्दा पारदर्शिता र जवाफदेहितामा बाधा पुगेको भन्दै स्थानीय तहदेखि केन्द्रसम्म सूचना प्रवाहलाई व्यवस्थित र प्रभावकारी बनाउन सुझाव दिए । कार्यक्रममा प्रमुख जिल्ला अधिकारी स्किम श्रेष्ठले सुचना सम्प्रेषण जति प्रभावकारी हुन सक्यो, त्यति नै लोकतन्त्र पनि संस्थागत हुने बताउनुभयो । नागरिकलाई समयमा र स्पष्ट सुचना दिनुपर्नेमा उहाँले जोड दिनुभयो । प्रमुख जिल्ला अधिकारी श्रेष्ठले कानुन...

दक्षिण कोरिया । बिपिन कुमार गुरुङ नेतृत्वको एनआरएनए कोरियाले सञ्चालनमा ल्याएको श्रमीक, विद्यार्थी हेल्प डेस्को आइताबार उद्घाटन भएको छ । दोङदेमुन स्थित रहेको एनआरएनए कोरियाको कार्यालयलाइनै हेल्प डेस्कको रुपमा उद्घाटन गरिएको हो । उद्घाटन कार्यक्रममा श्रम तथा रोजगार मन्त्री शरदसिंह भण्डारीको प्रमुख आतिथ्यता रहनुका साथै एनआरएनए आइसीसीका अध्यक्ष महेश श्रेष्ठको विशिष्ठ आतिथ्यता रहेको थियो । मन्त्री भण्डारी र अध्यक्ष श्रेष्ठ अनलाईन भर्चुअल माध्यमद्धारा कार्यक्रममा जोडिएको थियो । प्रमुख अतिथि भण्डारीले हेल्प डेस्क नेपालीहरुको सेवामा समर्पित कार्य भएकोले प्रसंशा गरिएको थियो । कार्यक्रमका अध्यक्ष एवं संस्थाका अध्यक्ष विपिन कुमार गुरुङले कोरियामा नेपालीहरुको थुप्रै समस्याहरु रहेको र त्यस्ता समस्याहरुको समाधान तथा सहजिकरण गर्नको लागि हेल्प डेस्क सञ्चालनमा ल्याइएको बताएका छन् । अध्यक्ष गुरुङले बताए...

हेटौंडा/ बागमती प्रदेशका मुख्यमन्त्री इन्द्रबहादुर बानियाँले शुक्रबार मन्त्रिपरिषद्‌लाई पूर्णता दिएका छन् । रिक्त पाँच मन्त्रालयमा मन्त्री नियुक्त भएपछि सरकारले पूर्णता पाएको हो । मुख्यमन्त्रीको उपस्थितिमा प्रदेश प्रमुख दीपकप्रसाद देवकोटाले नवनियुक्त मन्त्रीहरूलाई पद तथा गोपनीयताको शपथ गराएका छन् । शपथ लिएका मन्त्रीहरूमा आर्थिक मामिला तथा योजना मन्त्री प्रभात कुमार तामाङ, सामाजिक विकास मन्त्री कञ्चनचन्द्र बादे, संस्कृति तथा पर्यटन मन्त्री सुरेश श्रेष्ठ, युवा तथा खेलकुद मन्त्री उर्मिला केसी र सहकारी तथा गरिबी निवारण मन्त्री बिनु रायमाझी रहेका छन् । यसैगरी, विनाविभागीय मन्त्री शिवराज अधिकारीलाई आन्तरिक मामिला तथा कानुन मन्त्रालयको जिम्मेवारी दिइएको छ । १४ मन्त्रालय रहेको प्रदेश सरकारमा नेकपा एमालेले ६ र नेपाली कांग्रेसले मुख्यमन्त्रीसहित ८ मन्त्रालय पाएका छन् ।...

हेटौंडा /  मदन भण्डारी स्वास्थ्य विज्ञान प्रतिष्ठानले यस शैक्षिक सत्रदेखि चिकित्साशास्त्र स्नातक (एमबीबीएस ) अध्ययन सुरु गर्ने भएको छ । चिकित्सा शिक्षा आयोगले ५० सिटको स्वीकृति दिएको हो । यससँगै हेटौंडा स्वास्थ्य शिक्षाको केन्द्र बन्ने दिशामा अघि बढेको छ । प्रतिष्ठानमा यसअघि नै स्नातक तहका विभिन्न कार्यक्रम सञ्चालनमा रहेका छन् । यस वर्ष नर्सिङ स्नातक (बीएस्सी नर्सिङ) को सिट २० बाट बढाएर ३० गरिएको छ । यस्तै, चिकित्सकीय प्रयोगशाला प्रविधि ९बीएमएलटी० र जनस्वास्थ्य स्नातक ९बीपीएच० २०–२० सिटमा यथावत सञ्चालन हुनेछ । फार्मेसी स्नातक ९बी–फार्मेसी० कार्यक्रम पनि ३० सिटमा निरन्तर रहनेछ । यसै शैक्षिक वर्षदेखि स्नातकोत्तर ९एमडी० तहमा सात विषयमा अध्ययन सुरु हुने भएको छ, जसमा कुल ८ सिट छन् । स्त्री तथा प्रसूति विज्ञानमा २ सिट, र आन्तरिक रोग विशेषज्ञ, शल्य चिकित्सक, बाल रोग, हाड–जोर्नी तथा नशा रोग, पा...

हेटौंडा/ बागमती प्रदेशका मुख्यमन्त्री इन्द्रबहादुर बानियाँले मन्त्रालय तथा सरकारी निकायहरूमा अनावश्यक खर्च कटौती गरी आर्थिक सुशासन कायम गर्न निर्देशन दिएका छन् ।   बुधबार सचिवहरूसँगको बैठकमा उनले संचालन दक्षता, पारदर्शिता र समयमै सेवा वितरणलाई प्राथमिकतामा राख्नुपर्नेमा जोड दिएका छन् । मुख्यमन्त्रीले ‘काम नगरी तलब खाने’ प्रवृत्ति अन्त्य गर्ने, कर्मचारीको कार्यक्षमता वृद्धि गर्ने र सरकारी साधन–स्रोतको दुरुपयोग रोक्ने स्पष्ट निर्देशन दिए । साथै नीति, निर्णय र कार्यान्वयनको प्रणालीलाई मजबुत बनाउँदै समयमै नतिजा उपलब्ध गराउने विषयलाई प्राथमिकता दिन सबैलाई आह्वान गरेका छन् । उनले मन्त्रालय र निकायहरूलाई एकताबद्ध रूपमा सरकारका महत्त्वपूर्ण योजनाहरू समयमै सम्पन्न गर्ने जिम्मेवारीमा पनि जोड दिएका छन् ।...

दक्षिण कोरिया । पार्वती मोक्तान नेतृत्वको गैर आवसीय नेपाली संघ दक्षिण कोरिया र कोरियाली चिकित्सक समाज बीचचमा नेपाली श्रमिकहरुको स्वास्थ्य उपचारमा सहयोग गर्ने सम्झौता भएको छ । बुधबार एयस डकाष्टको कार्यालयमा दुइ पक्षको सम्बन्धित पदाधिकारीहरुको उपस्थितिमा सम्झौता पत्रमा हस्ताक्षर गरिएको हो । चिकित्सक समाजको अध्यक्ष इम सक योङ र गैर आवासीय नेपाली संघ दक्षिण कोरियाकी अध्यक्षले सम्झौता पत्रमा हस्ताक्षर गरेका छन् । आउदो सेप्टेम्बर २० देखि नेपाली श्रमिक, विद्यार्थी तथा भिषा नहुनेहहरुले पनि निशुल्क स्वास्थ्य उपचार पाउने भएका छन् । प्रत्येक दुई महिनामा एक पटक स्वास्थ्य शिबिर सञ्चालन हुने जनाएको छ । चिकित्सक समाजले औसधी उपचार, जनशक्ति र उपकरणको व्यबस्था गर्नेछन भने गैर आवासीय नेपाली संघको तर्फबाट प्रचार प्रसार र बिरामीहरुको दर्ता र सहजिकरण गर्ने सम्झौता पत्रमा उल्लेख गरिएको छ । बुधबार दुइ पक्षिय...

हेटौंडा/  बागमती प्रदेशका मुख्यमन्त्री इन्द्रबहादुर बानियाँले मंगलबार प्रदेशसभाबाट ६३ मतका साथ विश्वासको मत हासिल गरेका छन् । बहुमतका लागि ५६ मत आवश्यक थियो, तर उपस्थित ९२ मध्ये २२ जनाले विपक्षमा र ७ जनाले तटस्थ मतदान गरेका छन् । श्रावण २० गते मुख्यमन्त्री नियुक्त भएका बानियाँ नेपाली कांग्रेसका संसदीय दलका नेता बनेका छन्, तर त्यसअघि आफ्नै दलभित्र अविश्वास प्रस्तावमार्फत नेतृत्व पाएका थिए । कांग्रेस र एमालेको समर्थनमा सरकार गठन गरेका छन्, तर १४ मन्त्रालयमध्ये ६ मन्त्रालय अझै रिक्त छन् । यी मन्त्रालय कांग्रेसको भागमा परेका छन्, तर जिम्मेवारी तोकिएको छैन ।...

हेटौंडा / बागमती प्रदेश राष्ट्रिय वन ऐनको संशोधनबारे सुझाव संकलन गर्न मंगलबार मकवानपुरमा मानव अधिकारकर्मी र पत्रकारबीच छलफल भएको छ । प्राकृतिक स्रोत महिला अधिकार सञ्जालकी केन्द्रीय अध्यक्ष आरती पाठकको सभाध्यक्षतामा भएको कार्यक्रममा नेपाल पत्रकार महासंघ मकवानपुरका अध्यक्ष बालकृष्ण अधिकारी लगायत मकवानपुरका सञ्चारकर्मीहरूको उपस्थिति रहेको थियो । छलफलमा सहभागीहरूले ऐनमा राख्नु नपर्ने र थप गर्नुपर्ने विषयमा विस्तृत सुझाव प्रस्तुत गरे । वन संवर्धन प्रणालीको परिभाषा, सामुदायिक वनबाट विक्री हुने वनपैदावारमा कर वा शुल्क लगाउने व्यवस्था, संघीय कानूनबाट हटाइसकेको चकला वन सम्बन्धी प्रावधान, कृषि हानीकारक वन्यजन्तु सम्बन्धी व्यवस्था, समुदायमा आधारित उपभोक्ता समूहको परिभाषा, सामुदायिक वनलाई एकीकृत गर्ने व्यवस्था र दर्ता भएको वन क्षेत्र स्वतः राष्ट्रिय वन हुने प्रावधान प्रदेश ऐनमा नराख्नुपर्ने धारणा र...

हेटौंडा / नेपाल आदिवासी जनजाति पत्रकार महासंघ (फोनिज) मकवानपुर शाखाले २६औं स्थापना दिवसको अवसरमा आज हेटौंडामा प्रभातफेरी कार्यक्रम आयोजना गरेको छ । “समृद्धिको आधारः पूर्ण समावेशी सञ्चार” भन्ने मूल नाराका साथ आयोजित प्रभातफेरी कार्यक्रम फोनिज मकवानपुरका अध्यक्ष नवराज वाईबाको सभा अध्यक्षता तथा नेपाल पत्रकार महासंघ बागमती प्रदेशका अध्यक्ष कृष्ण सारु मगरको प्रमुख आतिथ्यतामा भएको हो । प्रभातफेरी कार्यक्रम हेटौंडाको सिमा चोक बाट सुरु भई बजार परिक्रमा गर्दै पुन ः सिमा चोकमा आएर कोण सभामा परिनत भएको थियो । कार्यक्रममा बौल्दै प्रमुख अतिथि पत्रकार महासंघ बागमत्ी प्रदेहका अध्यक्ष मगरले सञ्चारको क्षेत्रमा आदिवासी जनजातिको आवाज अझ प्रभावकारी बनाउन फोनिजले खेलेको भूमिका प्रशंसनीय रहेको बताउनु भएकोे छ । कार्यक्रममा फोनिजका पदाधिकारी, सञ्चारिका समुह मकवानपुरकी अध्यक्ष निशा गुरुङ लगायत सञ्चाकर्मीहरुको ...

हेटौंडा / बागमती प्रदेशमा नेपाली काँग्रेस र नेकपा एमालेबीचको सहमतिमा नयाँ सरकार गठन भएको छ। नेपाली काँग्रेसका इन्द्रबहादुर बानियाँ प्रदेशका छैटौँ मुख्यमन्त्रीको रूपमा नियुक्त भई मंगलवार पद तथा गोपनीयताको शपथ लिनुभएको हो। उहाँलाई प्रदेश प्रमुख दीपक प्रसाद देवकोटाले शपथ गराउनुभएको हो । मुख्यमन्त्री बानियाँसँगै गठबन्धन सरकारका आठ मन्त्रीहरूले पनि पद तथा गोपनीयताको शपथ लिएका छन्। नेकपा एमालेबाट छ जना र नेपाली काँग्रेसबाट दुई जना मन्त्री नियुक्त भएका छन् । नेकपा एमालेबाट डा. दिनेशचन्द्र देवकोटा भौतिक तथा पूर्वाधार विकास मन्त्रीका रूपमा शपथ लिनुभएको छ । जयराम थापा श्रम, रोजगार तथा यातायात मन्त्रीमा नियुक्त हुनुभएको छ। भरतबहादुर केसी वन तथा वातावरण मन्त्रालयको जिम्मेवारीमा पुग्नुभएको छ भने मधुसूदन पौडेल कृषि तथा पशुपन्छी विकास मन्त्रालय सम्हाल्नुहुनेछ । उद्योग, वाणिज्य, भूमि तथा प्रशासन मन्त्...