हेटौंडा / बर्तमान समाजमा जातिय विभेद बहिरी रुपमा नदेखिए पनि भित्रि रुपमा अझै छुृवाछुत रहेको दलित महिला अभियान्ता बताउछन् । दलित महिला संघले मंगलबार हेटौंडा ३ बसमाडीमा आयोजना गरेको एक कार्यक्रमका बिच अभियान्ता महिलाहरले यस्तो बताएको हो ।
संघले समाजिक न्याय तथा विकास प्रक्रियामा दलित महिलाको पहुच अभिवृद्धिका लागि जनप्रतिनिधिहरुको भुमिका बिषय सार्वजनिक संवादमा अभियान्ताहरुले अगाडिको पुस्ताले नयाँ पुस्तालाई छुवाछुतको भावना विकेन्द्रिकरण गररेको पाएको संघका सामाजिक सहजकर्ता राधिका सुनारले बताईन् ।
मानिस जति शिक्षित भएता पनि छुवाछुत र विभेद गर्ने र दलित समुदायका नागरिले विभेद भोग्नु परेको अभियान्ताहरु बताउछन् । दलित भएकै कारण गैर दलितको घरमा पस्न पनि नदिएको भन्दै आफुले भोगेको अभियान्ताले विभेदलाई संवाद कार्यक्रममा समिक्षा गरेका थिए । दलित महिला जनप्रतिनिधिहरुले पनि धेरै जसो विभेद सहनु परेको बताए । अभियान्ताहरुले यस्ता जातिय रुपमा हुने विभेदको अन्त्य हुनु पर्ने बताएका छन् । स्थानिय सरकारबाट दलित महिलाहरुको क्षमता र उद्यमता अभिवृद्धि गराउन सहयोग गर्नु पर्ने अभियान्ताहरुको माग रहेको छ ।
यसै गरीे मंगलबार भएको कार्यक्रममा दलित महिला संघ मकवानपुरका अध्यक्ष पवित्र विश्वकर्माको सभा अध्यक्ष र हेटौंडा उपमहानगरपालिका ३ नम्बर वडा अध्यक्ष ढलक बहादुर थापाको प्रमुख आतिथ्यता रहेको थियो भने संघका जिल्ला संयोजक बिमला बिशवकर्माले कार्यक्रम सञ्चालन गरेका थिए । कार्यक्रममा हेटौंडा ११ का वडा अध्यक्ष जुना दाहाल,अधिवक्ता अप्सरा बस्नेत र दलित महिला समाजिक अभियान्ताहरुको उपस्थितमा संवाद कार्यक्रम भएको थियो ।
