मुख्य समाचार

हेटौंडा /  तामाङ पत्रकार संघ मकवानपुरको आयोजनामा तामाङ पत्रकारहरूका लागि लक्षित गर्दै तीनदिने तामयिक लिपि प्रशिक्षण कार्यक्रम सम्पन्न भएको छ । जेठ २८ गतेदेखि सुरु भएको यो कार्यक्रम मकवानपुर जिल्लामा पहिलोपटक तामाङ पत्रकारहरूका लागि सञ्चालन गरिएको हो । संघका अध्यक्ष जयराम मोक्तानको सभाध्यक्षतामा सम्पन्न उक्त कार्यक्रममा मकवानपुर जिल्लाभरिका तामाङ पत्रकारहरूका साथै तामाङ समुदायका सांस्कृतिक अभियन्ता, बुद्धिजीवी तथा अग्रजहरूको उल्लेखनीय सहभागिता रहेको थियो । तामाङ भाषाको मौलिक लिपि ‘तामयिक’ सिकाउने उद्देश्यसहित सञ्चालन गरिएको यस प्रशिक्षणले तामाङ भाषा र संस्कृतिको संरक्षण, प्रवर्द्धन तथा अभिलेखीकरणमा महत्वपूर्ण योगदान पुगाउने विश्वास आयोजकले व्यक्त गरेका छन् । कार्यक्रममा नेपाल तामाङ घेदुङका केन्द्रीय सदस्य मेम्बर लो र घेदुङ बागमती प्रदेश अध्यक्ष लिला कुमार घलानले प्रशिक्षकका रूपमा सहजीकरण...

हेटौंडा / नेपाल कम्युनिष्ट पार्टी (बहुमत)  मकवानपुर जिल्ला कमिटीको आयोजनामा  शुक्रबार  हेटौंडा उपमहानगरपालिका–१० सिमाचोकमा विरोध कोणसभा सम्पन्न भएको छ। कार्यक्रम जिल्ला इन्चार्ज अग्रिम गजमेरको नेतृत्वमा सम्पन्न भएको हो । कोणसभामा पार्टीका केन्द्रीय सल्लाहकार पेमा तामाङ, जिल्ला सचिव भक्त माझि, पार्टी सदस्य श्याम सेन्चुरी, बकैया गाउँपालिका इन्चार्ज प्रेम तामाङलगायत १०–१२ जना नेताहरूको उपस्थिति रहेको थियो। कार्यक्रममा “न्याय मार्न पाइँदैन, अदालतभित्रको सेटिङ चाहिँदैन”, “सम्पूर्ण वामपन्थी देशभक्त प्रगतिशील जनतान्त्रिक युवा एकजुट होऔं” भन्ने नारासहित प्रदर्शन गरिएको थियो । जिल्ला सचिव भक्त माझिले कोणसभामा बोल्दै पूर्वमन्त्री अफ्ताब आलमलाई सफाइ दिने न्यायाधीश खुसीराम थारु र अर्जुन महर्जनलाई पार्टीका नेताहरू — केन्द्रीय सदस्य अविनाश, पदम र सिरहा जिल्ला सचिवालय सदस्य गर्भू महतोको नेतृत्वमा जनस...

हेटौंडा/ मकवानपुरगढी गाउँपालिका–२ को कुर्लेदमारमा सम्पन्न ‘शहीद रुद्र पाखिन तथा वासुदेव घिमिरे स्मृति तेस्रो मकवानपुरगढी कप खुला ८ ए साइड फुटबल प्रतियोगिता’ को उपाधि यस वर्ष दाजुभाई एफसीले उचालेको छ । बुधबार भएको रोमाञ्चक फाइनल खेलमा दाजुभाईले सिमलटार एफसीलाई पेनाल्टी सुटआउटमा पराजित गर्दै च्याम्पियन बन्न सफल भएको हो । निर्धारित ४० मिनेटको खेल अवधिमा दुवै टोलीले गोलरहित बराबरी खेलेपछि नतिजा पेनाल्टीमार्फत तय भएको थियो । दाजुभाई एफसीले ३–२ गोल अन्तरको जित दर्ता गर्दै विजेता बन्ने गौरव हासिल गर्‍यो । उपाधिसँगै दाजुभाई एफसीले नगद ७५ हजार रुपैयाँसहित ट्रफी र शिल्ड प्राप्त गर्‍यो भने उपविजेता बनेको सिमलटार एफसीले ४० हजार नगद र ट्रफीमा सान्त्वना टप्पर राख्यो । खेलमा उत्कृष्ठ प्रदर्शन गरेका दाजुभाईका सुजन बल म्यान अफ द म्याच घोषित भए । उनले नगद ३ हजार रुपैयाँसहित ट्रफी प्राप्त गरे। उनलाई पुरस्...

काठमाण्डौं । पत्रकार दिलभूषण पाठकविरुद्ध पक्राउ पुर्जी जारी भएको छ । कान्तिपुर टेलिभिजनको प्रधान सम्पादक समेत रहेका पत्रकार पाठकविरुद्ध विद्युतीय कारोबार ऐन अन्तर्गत साइबर को कसुरमा पक्राउ पुर्जी जारी भएको प्रहरी उच्च स्रोतले पुष्टि गरेको छ । पाठक साइबर अपराधसम्बन्धी कसुरमा पक्राउ पुर्जी जारी भएको छ । बाँकी विषय भने अनुसन्धानकै क्रममा रहेको प्रहरीले जनाएको छ । पक्राउ पुर्जी जारी भएको प्रहरीले पुष्टि गरे पनि पाठकविरुद्ध कसले, के आरोपमा उजुरी हालेको भन्नेबारे केही बताएको छैन ।...

हेटौंडा / मकवानपुरगढी गाउँपालिका–३ स्थित कुर्ले दमारको खेल मैदानमा जारी शहीद रुद्र पाखिन, वासुदेव घिमिरे स्मृति तेस्रो खुला ८–ए साइज फुटबल प्रतियोगिता २०८२ अन्तर्गत आइतबारका दुवै खेलहरूमा एकतर्फी नतिजा प्राप्त भएका छन् । पहिलो खेलमा दाजु भाइ एफसीले घले समाज बकैयालाई ४–० को फराकिलो अन्तरले पराजित गर्दै क्वार्टरफाइनलमा स्थान पक्का गरेको हो । खेलको ६औं मिनेटमा जर्सी नम्बर २ का छिरिङ लामा ले पहिलो गोल गर्दै टिमलाई अग्रता दिलाए । त्यसपछि जर्सी नम्बर १३ का समिराज थोकर ले १४औं, ४३औं र ४६औं मिनेटमा लगातार तीन गोल गर्दै ह्याट्रिक पूरा गरे । उनको उत्कृष्ट प्रदर्शनका आधारमा उनलाई म्यान अफ द म्याच घोषित गरिएको छ । दोस्रो खेलमा सिमलटार युथ क्लबले नागस्वती फुटबल क्लबमाथि पनि समान ४–० को जित दर्ता गर्‍यो । सिमलटारका जर्सी नम्बर १४ का सुजन गुरुङ ले १८औं मिनेटमा पहिलो गोल गरे । त्यसपछि जर्सी नम्बर १० क...

हेटौंडा/ शहीद रुद्र पाखिन , वासुदेव घिमिरेको स्मृतिमा आयोजित तेस्रो खुल्ला ८ ए साइड फुटबल प्रतियोगिता जेठ २५ गतेदेखि सुरु हुने भएको छ । मकवानपुरगढी गाउँपालिका–२ को कुर्लेदमारको खेलमैदानमा हुने प्रतियोगिता ३१ गतेसम्म सञ्चालन हुनेछ । प्रतियोगिताको आयोजना मकवानपुरगढी गाउँपालिकाको कार्यालयले गरेको हो । सह–आयोजकको रूपमा दाजुभाई एफसी मकवानपुर र खेलकुद विकास समिति मकवानपुरगढीको सक्रिय भूमिका रहनेछ । आयोजको अनुसार प्रतियोगितामा सहभागी टिमहरूले रु ५ हजार ५ सय रुपैयाँ इन्ट्रि फि तिर्नुपर्ने छ । त्यस्तै प्रतियोगितामा पहिलो हुने टिमलाई पुरस्कार रु. ७५ हजार र दोस्रो हुने टिमलाईरु. ४० हजार प्रदान गरिने मकवानपुर गढी खेलकुद विकास समितिका अध्यक्ष बाबु लामाले बताउनुभयो । टिम दर्ताको अन्तिम म्याद जेठ २४ गते बिहान १० बजेसम्म तोकिएको अध्यक्ष लामाले बताउनुभयो । आयोजकले सिट सीमित रहेको जानकारी दिँदै इच्छुक ट...

हेटौंडा / नेकपा (माओवादी केन्द्र) का वरिष्ठ उपाध्यक्ष नारायणकाजी श्रेष्ठले गृहमन्त्री रमेश लेखकको राजीनामा माग गरेका छन् । अध्यागमन विभागअन्तर्गतको भिजिट भिसा प्रकरणमा गम्भीर अनियमितता देखिएको भन्दै श्रेष्ठले मन्त्री लेखकले नैतिकताको आधारमा पद छाड्नुपर्ने बताएका हुन् । बुधबार हेटौंडामा प्रेस सेन्टर मकवानपुरद्वारा आयोजित पत्रकार सम्मेलनमा बोल्दै श्रेष्ठले भिजिट भिसाको नाममा भइरहेको मानव तस्करीको निष्पक्ष छानबिन हुनुपर्नेमा जोड दिए । “गृहमन्त्रीले राजीनामा दिएर अनुसन्धान प्रक्रियामा सहजीकरण गर्नु नै उचित हुन्छ,” श्रेष्ठले भने । पूर्व गृहमन्त्रीसमेत रहेका श्रेष्ठले आफ्नो कार्यकालमा अध्यागमन विभागभित्रको दलाली र सेटिङ हटाउने प्रयास गरेको स्मरण गर्दै हालको सरकारले त्यसलाई उल्टो संरक्षण गरिरहेको आरोप लगाए । उनले हालको सत्ता गठबन्धनले जनतालाई सुशासन दिन नसकेको टिप्पणी गर्दै भने, “जनतामा नि...

हेटौंडा/ बागमती गाउँपालिकामा स्थानीय तहको भाषा नीति निर्माण तथा तामाङ मातृभाषाको प्रवर्द्धनका लागि पाँच दिने प्रशिक्षण कार्यक्रम सम्पन्न भएको छ । नेपाल तामाङ घेदुङ बागमती प्रदेश समितिको आयोजनामा र बागमती गाउँपालिकाको आर्थिक सहयोगमा भएको कार्यक्रम जेष्ठ १० गतेदेखि १४ गतेसम्म सञ्चालन भएको हो । समापन कार्यक्रम नेपाल तामाङ घेदुङ बागमती प्रदेश समितिका अध्यक्ष लिलाकुमार घलानले सभाध्यक्ष तथा  बागमती गाउँपालिकाका उपाध्यक्ष फणिन्द्र तिमल्सिनाको प्रमुख आतिथ्यतामा भएको हो । पालिकाका उपाध्यक्ष तिमल्सिनाले कार्यक्रमलाई सम्बोधन गर्दै गर्दै तामाङ भाषामा विद्यालय तहदेखि उच्च तहसम्म शिक्षा विस्तार गर्न आवश्यक रहेकोमा जोड दिनुभएको छ । यसै गरी सभाध्यक्ष घलानले भाषाको संरक्षणले मात्र समुदायको पहिचान स्थापित हुने उल्लेख गर्दै विद्यालय तहमा मातृभाषामा शिक्षा दिनु बच्चाको हृदयसम्म पुग्नु भएको बताउनुभयो । प्...

दक्षिण कोरिया । तमू धीं दक्षिण कोरिया, ख्यङसाङ बुसान शाखाको चौथो अधिवेशन आईताबार सम्पन्न भएको छ । अधिवेशनबाट प्रवेश गुरुङको नेतृत्वमा नयाँ कार्यसमिति चयन गरिएको छ । त्यसैगरी उपाध्यक्षहरुमा सन्तोष गुरुङ, हेमन्त गुरुङ, सुर्य गुरुङ र आशा गुरुङ चयन हुनुका साथै सचिवमा तेजन गुरुङ, सहसचिवहरुमा उमामी गुरुङ, विमेश गुरुङ, कोषाध्यक्षमा जीवन गुरुङ र सहकोषाध्यक्षमा सरिता गुरुङ चयन भएका छन् । संस्थाको सदस्यहरुमा अन्जु गुरुङ, लक्ष्मी गुरुङ, विनिता गुरुङ, प्रगति गुरुङ र प्रीति गुरुङ चयन भएका छन् । शाखा अध्यक्ष गितासिंह गुरुङको अध्यक्षतामा भएको अधिवेशनमा तमू धीं दक्षिण कोरियाकी केन्द्रीय अध्यक्ष रुपमा गुरुङको प्रमुख आतिथ्यता रहेको थियो । त्यसैगरी संरक्षक गोपाल गुरुङ, नेपाल आदिवासी जनजाती महासंघ बुसान शाखाका उपाध्यक्ष सम्राट लामा, गैर आवासीय नेपाली संघ राष्ट्रिय समन्वय परिषद दक्षिण कोरिया बुसान शाखाका अ...