हेटौंडा/ अखिल नेपाल ब्युटिसियन श्रमिक संघको प्रथम स्थापना दिवसको अवसरमा जिल्ला कमिटी मकवानपुरले शुभकामना आदानप्रदान सहित चियापान कार्यक्रम आयोजना गरेको छ ।
सोमबार बागमती प्रदेशकी सामाजिक विकास मन्त्री कुमारी मोक्तानको प्रमुख आतिथ्यतामा सम्पन्न कार्यक्रममा मन्त्री मोक्तानले आफुले जानेको सीपलाई ब्यवशायमा परिणत गरी उद्यमशील हुनुपर्ने बताईन् । कार्यक्रममा प्रमुख अतिथि मोक्तानले ब्यवशायीहरु संगठित भए आपसी सहयोग र सहकार्यको लागि सहयोगी हुने बताईन् ।
अखिल नेपाल ब्युटिसियन श्रमिक संघ जिल्ला कमिटी मकवानपुरकी अध्यक्ष कुमारी लामाको अध्यक्षतामा भएको कार्यक्रममा नेकपा माओवादी जिल्ला संयोजक भीम पाख्रिन, सचिव बीरबहादुर घलान ज्वाला, प्रदेश कमिटी सदस्य सर्केश घलान, सीता पुलामी, हेटौंडा उपमहानगर कमिटी अध्यक्ष तीर्थबहादुर थापामगर, अखिल क्रान्तिकारी मकवानपुर जिल्ला अध्यक्ष बुद्धराज अर्याल लगायतको आतिथ्यता रहेको थियो । अखिल नेपाल ब्युटिसियन श्रमिक संघको एक बर्ष अगाडि असार ३१ गते स्थापना भएको थियो ।
