हेटौंडा/ विकास निर्माणको काममा राजनीतिक मात्र नभई युवाहरुलाई परिचालित गर्नु पर्ने अवस्था आएको प्रतिनिधि सभा सभामुख देवराज घिमिरेले बाएका छन् । बिहीबार हेटौंडामा आयोजित युवा सिप वर्ष २०८१ अन्तरगत सञ्चालित निःशुल्क सिप विकास तालिम समारोहमा बोल्दै यस्तो बताएका हुन् ।
चुनौति आफैमा अवसर रहेको भन्दै , समाजिक, आर्थिक , राजनीतिक अनेक कुरालाई पार गर्न युवाको उपस्थिति हुन जरुरी रहेको बताए । बाहिरी मुलुकमा युवाको क्रान्ति र भुमिकाले देश परिवर्तन भएको स्मरण गर्दै नेपालमा पनि युवाको कारणले देश परिवर्तन हुने अपेक्षा व्यक्त गरे । मुलुकमा युवा नीति आवस्यक रहेको बताउदै अहिलेको अवस्थामा युवा मैत्री सरकार चाहिएको सभामुख घिमिरेले बताएका छन् । युवा परिषद्ले सिप वर्ष घोषणा गरेको बताउदै उद्यमशिल युवा , दक्ष युवा निर्माण गर्ने कार्य गरेको बताए । युवाहरु नमुनाको रुपमा प्रस्तुत हुनु पर्ने र युवा मैत्री देश चाहेको उनले बताएका छन् ।
यसै गरी संघीय संसदका मुख्य सचेतक तथा मकवानपुर क्षेत्र नम्वर–२ का प्रतिनिधिसभाका सदस्य महेश कुमार बर्तौलाले सुखि तथा समृध्दि नेपाल निर्माण गर्न युवाहरुलाई साथमा लिएर अगाडि बड्ने बताएका छन् । युवा पुस्ताको लागि मानव पुजी निर्माणमा बागमती प्रदेश युवा परिषद्ले राम्रो काम गरेको बताए ।
यसै गरी बागमती प्रदेश युवा परिषद्को आयोजनामा सञ्चालन भएको निशुल्क सिप मुलक तालिममा सहभागि चितवन, मकवानपुर र सिन्धुलिका २ हजार भन्दा बढी युवाहरुलाई प्रमाणपत्र वितरण गरिएको हो । बागमती प्रदेश युवा परिषद्का कार्यकारी उपाध्यक्ष सन्तोष चौलागाईको सभा अध्यक्षतामा भएको कार्यक्रममा बागमती प्रदेशका पूर्व मुख्यमन्त्री डोरमणि पौडेल, प्रदेशका निवर्तमान आर्थिक मामिला तथा योजना मन्त्री जगन्नाथ थपलिया, नेपाली कांग्रेस बागमती प्रदेशका सभापति इन्द्रबहादुर बानियाँ, लगायतको आतिथ्यता रहेको थियो ।
