दक्षिण कोरिया । पूर्वाञ्चल सरोकार समाज दक्षिण कोरियाको २८ जुलाईमा वार्षिक साधारण सभा तथा आँउदो छुसकको अवसरमा आफ्नो मातहतको कार्यक्रमहरूको पोस्टर सार्वजनिक गर्ने भएको छ ।
समाजले सौलको दोङ्देमुन स्थित रहेको आफ्नै कार्यालयमा वार्षिक साधारण सभा तथा कार्यक्रमको पोष्टर सार्वजनिक गर्न लागिएको हो । “हाम्रो भाषा, धर्म र संस्कृतिमा विविधता प्रवासमा रहेका नेपालीहरूमा एकता” भन्ने मूल नारा लिएर सन् २०१५ मा पूर्वाञ्चल सरोकार समाज दक्षिण कोरिया स्थापना भएको थियो ।
समाजले जुलाई २८ तारिख आइतबार दोङदेमुनमा रहेको आफ्नो कार्यालयको हलमा बिहान १०ः ३० बजे कोरियन पर्व छुसकको अवसरमा पूर्वाञ्चल सरोकार समाज आबद्ध संस्थाहरू द्वारा आयोजना गरिएका सांस्कृतिक तथा डान्स पार्टी कार्यक्रमको पोष्टर सार्वजनिक तथा मध्यान्ह १२ः ०० बजे समाजको वार्षिक साधारण सभा कार्यक्रम आयोजना गर्ने भएको हो । समाजमा पूर्वका १४ जिल्ला र २ जातीय संस्था गरि कूल १६ वटा सक्रिय सङ्घसंस्थाहरू आवद्द रहेका छन्। समाजको साधारण सभामा विशेषगरि साङ्गठनिक प्रतिवेदन, आर्थिक प्रतिवेदन र भावी कार्ययोजनाहरू प्रस्तुत हुने अध्यक्ष गजेन्द्र सेर्माले जानकारी दिएका छन् ।
