हेटौंडा/ बागमती प्रदेश सरकारका मुख्य मन्त्री बहादुर सिंह लामाले व्यवसायीहरुको समस्या समाधान गर्न तत्पर अगाडी बडिरहेको बताएका छन् ।
बिहिबार हेटौंडामा भएको नेपाली काङ्ग्रेस निकट नेपाल लोकतान्त्रिक व्यवसायी संघ बागमती प्रदेशको प्रथम अधिवेशनलाई सम्बोधन गर्दै लामाले व्यवसायीहरुले विभिन्न समस्या झेल्नु परेकाले संगठन बनाउन तत्पर भएको र जुन चुनौतिपुर्ण रहेको बताए । राज्य र व्यवसाय पक्ष मिलि समस्याहरुलाई सुधार गरेर अगाडी बढ्नुपर्ने र ऐन कानुन सुधार गर्दै व्यवसायलाई कसरी व्यवस्थित गर्ने भन्नेमा प्रदेश सरकार तत्पर अगाडि बढिरहेको मुख्यमन्त्री लामाले बताएका छन् ।
कार्यक्रम मुख्य मन्त्री लामाको प्रमुख आतिथ्यता र नेपाल लोकतान्त्रिक यातायात व्यवसायी संघका संयोजक विजय बहादुर स्वारको सभाध्यक्षतामा भएको हो । उक्त कार्यक्रममा बागमती प्रदेश आर्थिक मामिला तथा योजना मन्त्री कुन्दन राज काफ्ले, आन्तरिक मामिला तथा कानुन मन्त्री सुरज चन्द लामिछाने, नेपाली काङ्ग्रेस बागमती प्रदेश प्रमुख सचेतक गोबिन्द लम्साल, नेपाली काङ्ग्रेसका जिल्ला सभापति बुद्द लामा, मकवानपुर उधोग वाणिज्य संघ जिल्ला अध्यक्ष कृष्ण कुमार गु्प्ता, नेपाल लोकतान्त्रिक यातायात व्यवासायी संघका पदाधिकारीहरुको उपस्थित रहेको थियो ।
