हेटौँडा/ बागमती प्रदेश सरकारले आगामी आर्थिक वर्ष २०८३र८४ का लागि ६६ अर्ब ९३ करोड ३३ लाख रुपैयाँको बजेट सार्वजनिक गरेको छ ।
प्रदेशका आर्थिक मामिला तथा योजना मन्त्री प्रभात तामाङले सोमबार प्रदेश सभाको बैठकमा उक्त बजेट प्रस्तुत गर्दै आगामी वर्षको कार्यदिशा स्पष्ट पार्नुभएको हो । सरकारले यस पटकको बजेटमा प्रशासनिक खर्चको तुलनामा विकास निर्माण र पुँजीगत खर्चलाई विशेष प्राथमिकता दिएको छ । मन्त्री तामाङले सभामा प्रस्तुत गर्नुभएको विवरण अनुसार कुल बजेटमध्ये पुँजीगत तर्फ ४३ अर्ब ९७ करोड १४ लाख रुपैयाँ विनियोजन गरिएको छ, जुन कुल बजेटको ६५।६९ प्रतिशत हुन आउँछ ।
यस्तै, चालु तर्फ २२ अर्ब ९६ करोड १९ लाख रुपैयाँ अर्थात् ३४।३१ प्रतिशत बजेट छुट्याइएको छ । सरकारले यस पटक भौतिक पूर्वाधार विकासलाई मुख्य केन्द्रमा राख्दै सम्बन्धित मन्त्रालयका लागि मात्र २५ अर्ब ६० करोड रुपैयाँ विनियोजन गरेको जानकारी गराएको छ।बजेट कार्यान्वयनका लागि खर्च व्यहोर्ने स्रोततर्फ सरकारले राजस्व तथा बाँडफाँडबाट ३० अर्ब १५ करोड ६ लाख रुपैयाँ र अन्य राजस्व स्रोतबाट ७ अर्ब ७३ करोड रुपैयाँ संकलन हुने अनुमान गरेको छ ।
त्यसैगरी सङ्घीय सरकारबाट प्राप्त हुने अनुदान बापत १५ अर्ब ३१ करोड ४८ लाख रुपैयाँ र संचित कोषको बचतबाट १२ अर्ब ७६ करोड ७९ लाख रुपैयाँ परिचालन गरिनेछ। अपुग हुने रकम अन्य संस्था तथा ऋण लगानी फिर्ताबाट ९६ करोड रुपैयाँ जुटाउने सरकारी लक्ष्य रहेको छ ।
