हेटौंडा/ महिला मिलन बचत तथा ऋण सहकारी संस्था लिमिटेडको २४ औँ बार्षिक साधरण सभा मनाइएको छ । संस्थाको साधरण सभाको ३ दिने कार्यक्रम अन्तरर्गत पहिलो कार्यक्रम बिहीबार हेटौंडा -४ स्थित क्लब हेटौंडामा मनाइएको हो ।
हेटौंडा उपमहानगरपालिका वडा नम्बर ४ का वडा अध्यक्ष नविन सिग्देलको प्रमुख आतिथ्यता र उक्त संस्थाका संस्चालक समितिका अध्यक्ष मिना थापाको सभा अध्यक्षतामा कार्यक्रम भएको हो । भने कार्यक्रममा ३ जना जेष्ठ नागरिक सदस्यलाई नगत सहित सम्मान समेत गरेका थिए । सम्मान हुनेमा मिरा देवि घलान र दुर्गा पौडेल र सुमित्रा शर्मालाई संस्थाले जेष्ठ नागरिक सदस्य सम्मान गरेका हुन् । सभामा संचालक समितिका सचिव शर्मिला दोङ, कोषअध्यक्ष रमा कुमारी रिजाल र लेखा सुपरीवेक्षण समितिका संयोजक विष्णु लामाले बार्षिक प्रगति प्रतिवेदन सेयर सदस्यहरु माझ प्रस्तुत गरेका थिए ।
यसै गरी संस्थाको साधरण सभाको कार्यक्रम दोस्रो दिन शुक्रबार हेटौंडा १२ स्थित बुद्ध माध्यमिक बिद्यालयमा र तेस्रो दिन हेटांडा १३ स्थित महेनद्र माध्यमिक बिद्यालयमा मनाइने जनाएको छ । उक्त संस्था २०५८ बैशाख ४ मा विविध रुपमा महिला मिलन बहुउद्देश्यीय सहकारी संस्था लिमिटेडको नाममा दर्ता भई सञ्चालनमा आएका हुन् ।मकवानपुर जिल्लाको हेटौंडा उपमहानगरपालिका वडा नं ४,८,९,१०,१२,१३ र १४ भित्र यस सहकारी संस्थाको समिति रहेको छ । संस्थाको कार्य क्षेत्रको महिला जनसंख्या ३९ हजार ६२८ जना रहेको छ जस मध्ये साकोषले महिला सदस्य ६, ४१७ जनालाई आवद्ध गराएका छन् ।
