हेटौंडा/ राजु श्रेष्ठको नेपाली कथानक चलचित्र “गोजी रित्तै” हेटौंडामा विशेष प्रदर्शन हुने भएको छ । आगामी कार्तिक ३ गते उक्त चलचित्र बिषेश प्रदर्शन हुन लागिएको हो ।
सोमबार चलचित्र निर्माण टिमले पत्रकार सम्मेलनको आयोजना गर्दै हेटौंडाको ओम म्याक्स हलमा सो हुन गईरहेको सम्बन्धमा जानकारी दिए । मकवानपुर र काड्माण्डौं विभिन्न क्षेत्रमा चलचित्र छायाङ्कन गरिएको निर्माता एवंम नायिका राधिका लामाले बताइन् । चलचित्रमा नेपाली कथानक विषय वस्तु यूवाहरु नेपालमै बसेर काम गर्छु भन्दा बेरोजगार र असफल भएको सन्देश दिन खोजेको उनले बताइन् ।
यसै गरी चलचित्रमा बुद्धि तामाङ , श्याम राई, विष्णु सापकोटा, शारदा गिरी , राजु श्रेष्ठ, नमिता राई, मनिल तामाङ, कुञ्जु महर्जन, राधिका स्याङ्तान,माया घलान, पुजा लामा, विक्रम लुङ्वा,भरत पाख्रिन, सातोष थोकर, देव लामा,राजु नेगी, बाबु थिङ, धन पाख्रिन, तुलसी गौतम लगायत कलाकारहरुको भुमिका रहको तामाङ कलाकार संघका सचिव एवंम उक्त चलचित्रका कलाकार विक्रम लुङ्वाले बाताए । यस चलचित्रको छायाङ्कन भने मकवानपुर र काठ्माण्डौमा गरिएको कलाकार लुङ्वाले बताए । चलचित्र निर्माण गर्न ५० लाख लागत लागेको र लगभग २ घण्टाको चलचित्र रहेको जनाएको छ ।
