दक्षिण कोरिया । नेपालीहरूको प्रमुख पर्व दशैंको अवसर पारी गण्डकी प्रदेश समाज दक्षिण कोरियाले टिका जमरा ग्रहण तथा शुभकामना आदान प्रदान कार्यक्रमको आयोजना गर्ने भएको छ । दक्षिण कोरियाको सुवनमा रहेको कामना सभा हलमा अक्टोबर १२ तारिख शनिबार बेलुकी ७ बजे टिका जमरा ग्रहण तथा शुभकामना आदानप्रदान कार्यक्रम आयोजना गर्न लागिएको हो ।
नपाली संस्कृतिको संरक्षण तथा प्रवर्द्धन गरी एक आपसमा माया, सद्भाव बढाएर भाइचारा कायम राख्नुको साथै स्वदेशको पारिवारिक झल्को मेटाउने उद्देश्यले गण्डकी प्रदेश समाज दक्षिण कोरियाको आयोजना र प्रदेश समाज अन्तर्गत रहेका ११ जिल्लाहरूको समन्वयमा दशैंको अवसरमा भेटघाट, टीकाजमरा ग्रहण तथा शुभकामना आदानप्रदान कार्यक्रम आयोजना गर्न लागिएको समाजका अध्यक्ष प्रबिन गिरीले बताएका छन् ।
कार्यक्रममा टिका जमरा ग्रहण गरी नेपाली परिकारका साथमा नेपाली पञ्चेबाजाको प्रस्तुतिसँगै रमाइलो गर्न पाउने व्यवस्था रहेको जनाएको छ। कार्यक्रममा सहभागि हुनको लागि आयोजकले आग्रह समेत गरेका छन् ।
