मकवानपुरको बागमती गाउँपालिकामा बालिकाको खोलामा डुबेर मृत्यु

हेटौंडा / मकवानपुरको बागमती गाउँपालिकामा एक बालिकाको खोलामा डुबेर मृत्यु भएको छ । बागमती गाउँपालिका—१ हात्तिढुंगाकी १३वर्षीया रुविना तामाङ चिरुवा खोलामा नुहाउने क्रममा डुबेर मृत्यु भएको हो ।

रुविनासहित तीन जना बालिकाहरू खोलामा सोमबार नुहाउन गएका थिए । रुविनाको हजुरआमा र हजुरबुबाु हतारहतारमा आएर खोलाबाट रुविनालाई निकालेका थिए । रुविनालाई तत्कालै उपचारका लागि झुरझुरेस्थित क्लिनिकमा लगिएको थियो ।उनको उपचार गर्ने क्रममा नै मृत्यु भएृको प्रहरीले जनाएको छ । सोमबार राति नै पोष्टमार्टम गर्न उनको शव हेटौंडा अस्पताल ल्याइएको छ ।

Advertisement