हेटौंडा/ मकवानपुर जिल्लामा प्रथम पटक लाईभ सेलो साँझ शुक्रबार भव्य रुपमा सम्पन्न भएको छ । एक तामाङ घर एक डम्फु भन्ने मुल नाराका साथ डम्फु र टुङ्गना प्रशिक्षण सहयोगार्थ लाईभ सेलो साँझ कार्यक्रको आयोजना गरिएको हो ।
नेपाल तामाङ घेदुङ जिल्ला समन्वय समिति मकवानपुर र तामाङ कलाकार संघको सहयोग र ओपेरा ईन्फोटेन्मेन्ट सिने प्रा.लि द्धारा आयोजित कार्यक्रममा चर्चित गायक प्रकाश तामाङ तितुङ र गायिका सुमिना लो तामाङले आफ्नो भव्य रुपमा प्रस्तुति दिएका थिए ।
उनिहरुले तामाङ सेलो गित जगतमा ख्याति प्राप्त क्याम्साङ गैरीला आङीला जामे हाई नक्कली, नक्कली कान्छिलाई राख्छु सुखले,ज्यान च्याङ्बा,कदुमी ख्लाङ्बा रुलुलु, सप्तरङ्गि भाई टिका लगायत सेलो गितलाई प्रस्तुत गरेका थिए । कार्यक्रम हेटौंडा २ स्थित पल्पसा सदनमा सञ्चालन गरिएको थियो । सेलो साँझमा रम्न ६ सय भन्दा माथि दर्शकहरुको उपस्थित रहेको थियो । सेलो गित प्रेमी गायक तितुङ र लो लाई दर्शकले सेलो नृत्य संगसंगै गित गाएर साथ दिएका थिए ।
यसै गरी लाईभ सेलो साझ कार्यक्रम आयोजक कम्पनीका प्रोफाईटर विक्रम लुङ्वाको सभा अध्यक्षता र हेटौंडा उपमहानगरपालिका प्रमुख मिना कुमारी लामाको प्रमुख अतिथ्यतामा भएको थियो । कार्यक्रममा प्रमुख अतिथि लामाले हेटौंडा उपमहानगरपालिका तामाङ बहुल क्षेत्र भएकोले तामाङ होस्टे सरु गर्न र हप्तामा एक पटक सेलो प्रस्तुत गर्ने योजना गरेको बताइन् । कार्यक्रम निकै उत्साह जनक रहेकोले आगामी दिनमा साँस्कृति कार्यक्रम गर्न हौसला मिलेको सभा अध्यक्ष लुङ्वाले बताए । यसै गरी कार्यक्रममा मिडिया पाट्नर भई सहयोग गरेको भन्दै मेरो पत्र, लावा मिडिया टिम टेलिभिजन र हजुरको खबरलाई कदर पत्र प्रदान गरी सम्मान गरेका थिए । यस्तै कार्यक्रमलालाई सफल बनाउन सञ्चार क्षेत्रबाट महत्वपुर्ण भुमिका खेलेको भन्दै मकवानपुरका सक्रिय पत्रकार भुवन घलान, बसात भन्डारी अन्जना न्यासुर , रविन्द्र वाईवा, जमुना तामाङ, बिशाल राई, सन्देश थिङ लगाएतलाई सम्मान गरेका थिए ।
