दक्षिण कोरिया । कोरियनहरुको दोश्रो ठुलो पर्व सलनालको अवसरमा ठुलो सांगीतिक कार्यक्रम गर्ने अनुमती कास्की परिवार दक्षिण कोरिया र खोटाङ सेवा समाज दक्षिण कोरियाले पाएको छ ।
आइतबार एनसीसी दक्षिण कोरियाले आयोजना गरेको सहजिकरण कार्यक्रम मार्फत उक्त दुईवटा संस्थाहरुले कार्यक्रम गर्ने अनुमती पाएको हो । सौलको दोङदेमुन स्थित रहेको पूर्वि नेपाल समाजको सभाहलमा भएको उक्त कार्यक्रमबाट आउदो जनवरी २८ मा कास्कि परिवारले कार्यक्रम गर्ने र जनवरी २९ को दिनमा खोटाङ सेवा समाजले कार्यक्रम आयोजना गर्ने भद्र सहमति भएको हो ।
आउदो सलनालमा यि दुई ठुला कार्यक्रमहरु बाहेक थुप्रै रात्रिकालिन कार्यक्रमहरु पनि आयोजना हुने भएको छ । कास्कि परिवारले गण्डकी प्रदेश समाज अन्तर्गत रहेर कार्यक्रम गर्नेछ भने खोटाङ सेवा समाजले पूर्वि नेपाल समाज अन्तर्गत रहेर कार्यक्रम आयोजना गर्नेछ । उक्त सहजिकरण कार्यक्रममा थुप्रै अगुवाहरुको सहभागिता रहेको थियो ।
