हेटौंडा/ पछाडि परिएका समुदायलाई अगाडि बढाउने स्थानीय सरकारको उद्देश्य रहेको हेटौंडा उपमहानगरपालिका प्रमुख मिना कुमारी लामाले बताईन् । शनिबार हेटौंडामा तामाङ पत्रकार संघ बागमती प्रदेशको दोस्रो अधिवेशन तथा सम्मान कार्यक्रममा बोल्दै प्रमुख लामाले यस्तो बताएकी हुन् ।
स्थानीय पाठ्यक्रममा तामाङ समुदायको भाषा समावेश गराउन नसकेको र पाठ्यक्रममा समावेश गर्न पहल गर्ने उनले बताईन् । तामाङ भाषा, संस्कार , सस्कृतिको जगेर्ना गर्न तामाङ संग्रालय निर्माण गरिएको बताईन् । जुन देशकै नमुना रहेको प्रमुख लामाले जानकारी दिईन् । यस्तै उनले तामाङ पत्रकारहरु व्यवसायीक पत्रकारको रुपमा स्थापित हुन चुनौति रहेको उनले जिकिर गरिन् । नयाँ तामाङ पत्रकारहरुलाई कसरी अगाडी बढाउनु पर्छ भन्नेमा सरोकारवाहरुले ध्यान दिन जरुरी रहेको समेत बताएकी छिन् ।
प्रमुख लामाको प्रमुख आतिथ्यता तथा तामाङ पत्रकार संघ बागमती प्रदेशको अध्यक्ष अर्जुन पाख्रिनको सभा अध्यक्षतामा कार्यक्रम भएको थियो । कार्यक्रममा रेडियो नेपालका कार्यकारी निर्देशक अमर ध्वज लामा , तामाङ पत्रकार संघ केन्द्रिय उपाध्यक्ष नेत्र तामाङ , नेपाल तामाङ घेदुङ बागमती प्रदेश अध्यक्ष लिला कुमार घलान लगायतको उपस्थित रहेको थियो । उक्त अधिवेशनमा नयाँ कार्य समिति चयन र रेडियो नेपालका कार्यकारी निर्देशक अमर ध्वज लामालाई नगत सहित सम्मान गरिएको थियो ।
