बागमती प्रदेश लिग फुटबल प्रतियोगिता पुष १० गतेबाट हुदैँ

हेटौंडा/  दोश्रो संस्करणको बागमती प्रदेश लिग फुटबल प्रतियोगिता पुस १० गतेबाट हेटौंडामा हुदैँ छ ।

बागमती प्रदेश फुटबल संघले मंगलबार हेटौंडामा पत्रकार सम्मेलनको आयोजना गर्दै प्रतियोगिता हुने बारे जानकारी दिएको हो । प्रतियोगिता हेटौ.डा उपमहानगपालिका वडा नं.५ स्थित पिप्ले क्याम्पा रंगशालामा हुने संघका कार्यबाहक अध्यक्ष राजीव बस्नेतले बताए । प्रतियोगितामा बागमती प्रदेशका ११ वटा जिल्लाका लिग च्याम्पियनहरुले सहभागिता जनाउने अध्यक्ष बस्नेतले जानकारी दिए । लिग कम नकआउट अवधारणामा हुने प्रतियोगिताको फाइनलमा पुग्ने दुईवटा टिमले एन्फाले आयोजना गर्ने राष्ट्रिय फुटबल लिगमा सहभागिता जनाउने अध्यक्ष बस्नेतले बताएका छन् । आयोजकले प्रतियोगितामा ३१ लाख खर्च हुने अनुमान गरेको छ ।

Advertisement